لاتارت نتاع قلب لعيد ميلاد زوجي

[romaissa]

جبتلكم لاتارت نتاع عيد ميلاد راجلي العزيز
درتها نهار السبت

نخليكم مع الوصفة (جزائرية)
لابات درت جينواز عادية
4 بيض 125 غ فرينة 125 غ سكر فانيليا ومغرفة صغيرة لاليفور
تخلطي البيض مليح حتان يبياض ويطلع وتزيديلو السكر وتكملي تضربي مليح وتزيدي لاليفور ولافاني وتكملي كي تشوفي الخليط بياض وطلع فرغي الفرينة وخلطيها بمغرف ولا سباتول بلعقل وفرغيها في بلا انا درت بلاطو قلب نتاع السيليكون
هنا كي طابت وبردت انا قسمتها على زوج


http://im17.gulfup.com/meQE1.jpg

هذا هو المول اللي درت فيه وكي طابت غطيتو قع بالبلاستيك اليمونتار
http://im17.gulfup.com/vQN82.jpg


هادي لاكريم باتيسيير عادية وزدتلها كاكاو
نص لتر حليب 2 صفار بيض 2 ونص مغارف كبار فرينة لافاني سكر 5 مغارفوكاكاو 2 مغارف يتخلط كلشي عالبارد وتحطيها فوق النار مع التخلاط حتان تعقاد مليح نحيها وخليها تبرد مليح من بعد ضربيها بالباتور باش يروح تحربيش
وتولي رطبة
http://im17.gulfup.com/ER343.jpg

هذا العصير اللي سقيت بيه لاتارت باش تولي مشمخة وماتجيش يابسة وتقدري تديري اي عصير عندك
http://im17.gulfup.com/Pz9U4.jpg
هذا الجزء الاول حطيتو داخل المول وشربتو بنص بواطة عصير
http://im17.gulfup.com/wbfF5.jpg

هنا فرغت لاكريم باتيسيار فوق النص الاول نتاع لابات
http://im17.gulfup.com/RFCt6.jpg

هنا حطيت لابات الدوزيام فوق لاكريم وزدت شربتها بالعصير اللي بقى
هنا غلفيها مليح بالبلاستيك ودخليها للفريجيدار خليها تبرد مليح
http://im17.gulfup.com/Niu17.jpg

انا طلعت لاكريم من الفوق بلاكريم شانتيي خاطرش كنت تعبانة باش ندير لاكريم نتاع الزبدة
درت 100 غ كريم شانتيي مع كاس حليب بارد وضربتهم مليح مليح حتان طلع
هنا خرجتها من الفريجيدار خليتها فوق ساعة قيس ماشد لاكريم الداخلاني روحو مليح تحبي تنحي لاكريم اللي على الناب ولا تحبي تطلي بيه انا طليتو غاضني نحيه
http://im23.gulfup.com/XzMe1.jpg http://im23.gulfup.com/eKty2.jpg


هنا طليت لاكريم شانتي قع من الفوق وعلا الجناب بالابيضواللي بقى منها زدتلو كاكاو وطليت من الفوق
وديكوريت الجوانب

http://im23.gulfup.com/nXAA3.jpg


وهنا كملت ديكور نتاعها درتو سامبل وبسيط قلتلكم كنت عيانة ومريضة شوية
الورد والديكور الفوقني وردات من البلاستيك واوراق ثاني شريت الورد اللي يتباع بارة اللي يجي شباب وفي الدار قصيتو وغسلتو ومخبياتو نخدم بيه غير الديكور نتاع لي تارت
وكتبت من الفوق العمر بلا ماندير قع الشمع


http://im23.gulfup.com/21QV4.jpg

هنا كي قسمتها
وهادي لاول واحدة ترد

http://im23.gulfup.com/VuU25.jpg


وهادي اللي تدعيلي بالشفاء
http://im23.gulfup.com/u7fM6.jpg

لليوم رانا الخميس ومازاللي منها شويز في الفريجيدار مزال تقول البارح برك درتها خفيفة وطرية ومعمرة عصير

ماتنساونيش من الردود التشجيعية



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©