البراج من المطبخ جزائري الجزائري

[loulou ange]

بسم الله الرحمن الرحيم


البارح عملت لبراج

هادو حبات لكبار لينا

http://img831.imageshack.us/img831/7531/photo0941v.jpg


و هادو الحبيبات الصغار لبنياتي ربي يحفظهم


http://img849.imageshack.us/img849/2686/photo0942.jpg



و هادي الوصفة (جزائرية) للي تحب



كيلة زبدة ذائبة

كيلة زيت

2 كيلات حليب فايض و دافئ مش معمرين و اذا احتجتي من بعد ممكن تضيفي

نصف ملعقة كبيرة ملح انا عملتها في 1 كغ غرس و تقريبا 2 و نصف دقيق



تخدمي الزبدة مع الزيت جيداااااااااااااااااااااااااااااااااااااااااا حتى تولي مثل المايوناز ثم تضيفي الحليب و تخلطي حتى يتجانس الخليط

و تضيفي الدقيق حتى تتشكل عندك عجينة متماسكة الدقيق يجب ان يكون من التعليم المتوسط يعني نحي منو الرقيق و نحي ايضا الخشين

تغطيها نصف ساعة تتشرب البسوس و اذا وجدتيها يابسة ممكن تزيديلها القليل من الحليب و تعجني شوية المهم لما تضغطي على كمشة فيدك تتماسك و تكون طرية


الغرس ضفيلو قطعة زبدة مقدار 2 ملاعق كبار اقسميه على دفعات و حطيها فالخلاط كل مرة جزء من الغرس مع قطعة صغيرة زبدة و القليل من ماء الزهر و خلي الخلاط يدور دقيقة او اثنين

و الله صدقوني رح يكون الغرس طريييييييييييييييييييييييييييي بشكل لا يتصور حتى لو عملتي الغرس تاع لحوانت و لما طيبيه يبقى ذهبي اللون ما يكحالش اطلاقا

و بعد ما تكملي كل الكمية ضفيلو القليل من القرفة و على راس الملعقة طيب و اعجني

ثم اعملي كويرة من الغرس ادهني من الفوق و من الاسفل بالزبدة و حطيها في قطعة نيلون كبيرة و حليها على شكل قرص و غطيها الى حين استعمالها




العجينة نقسمها على اثنان نقرص الاولى و نحط فوقها الغرس ثم نقرص الثانية و نحطها فوقهم

و نغطي العجينة و نحلها لاقنوط " الحلال حتى تصبح فالسمك 1 سم

نقطعها بالطابع او السكين انا استعملت الطابع هاذا



http://img803.imageshack.us/img803/3881/jklm.png



و اطبعيه كامل ثم اعدلي الجوانب حتى يكون شكلو متحوف

و لما تكمليهم كامل اطهيه فوق طاجين حديد موضوع فوق طاجين طين على حرارة مرتفعة حتى ما ييبسش الغرس و يبقى البراج طري

لما يتغير لونها قليلا من فوق اقلبيها بسرعة ما تخليهاش طول باه يجيك لونها مليح و ما تتشوطش و تبان محروقة لانو احسن براج لي يطيب اصفر


ملاحظة :1 انا ما نستعملش الدقيق فوق العجينة نطهيه مباشرة ما نحبش هاذيك الحروشة و ما نحبش لما نهز حبة نلقى فيها الفتات

2 انا الدقيق نتاعي مليح تاع مطاحن الطارف يشرب لبسوس و ما يطلقش ليدام نتاعو و ما يجيش معجن حتى لو جريتو يشرب

نتمنى يعجبكم

و هادا صحن كبير للأخوات و لكل من مر بموضوعي



http://img832.imageshack.us/img832/7108/photo0943z.jpg




http://img687.imageshack.us/img687/7682/photo0944t.jpg



و هاذي حبيبة قسمتها فالنصف بالسكين باه تشوفو الغرش قداه طري و لونو ما تبدلش قعد ذهبي

http://img59.imageshack.us/img59/9651/photo0945l.jpg



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©