المساعد الشخصي الرقمي

مشاهدة النسخة كاملة : بيبي مسكوتة من المطبخ جزائري الجزائري بالشرح مفصل المفصل و الصور



admin
11-02-2013, بتوقيت غرينيتش 09:22 AM
بسم الله الرحمن الرحيم

عملت بزاف مواضيع مقترحة و رسمية على طبخ جزائريات جزائرية بالقازوز باتيسري , كاب كايك , ميني كايك , لكن متاكدة بلي بزاف الأخوات مادخلت في راسهم العفسة نتاع القازوز فالقاطو , انا مرة عملت مسكوتة و جاتني يابسة و الحليب ما بقاليش , خممت نزيدلها الماء تجي صامطة , أمالا دبر عليا راسي زدتلها القازوز خخخخخخخخخخخخخ و من هداك النهار وليت نستعمل القازوز في المسكوتة نتاعي هكذا تجي كي لقطن

البارح عملت مسكوتة ساهلة بمقادير بسيطة جدا متوفرة في كل بيت و صورتها و جبتلكم الصور بالتفصيل الممل

نخليكم اولا مع المقادير ثم مع الصور

المقادير :

نصف كأس زيت الكاس لي ستعملتو ضيق من تحت لكن الكمية تقريبا نص كاس برك
كاس قازوز انا نستعمل فرحة ذوق ليمون ليم ذوقو امممممم
وحدة و نصف خميرة
علبة ياغورت أنا استعملت صغيرة نتاع ألف لي تحب تستعمل الكبيرة تستعملها عادي
3 مغارف كبار سكر
تقريبا 2 كيسان فرينة نستعمل كاس و نصف و اذا بقات جارية نزيد من النصف
كاس كوكاو نرحيه و نغربلو الرقيق نستعملو فالبداية و الخشن نضيفوه مع نصف كاس جوز الهند في الأخير
2 فاني نسيت ما صورتهمش
قرصة صغيرة ملح
3 بيضات
و كيما تشوفو في بلاصت الحليب انا نستعمل القازوز و الزيت نستعمل غير نص كاس حتى ما تجيش ثقيلة و مزيتة بزاف

و دركا مع الطريقة بالتفصيل الممل و الصور

http://img515.imageshack.us/img515/9302/photo0543l.jpg

نحط السكر و الياغورت و الفاني مع الملح و البيض و نخلط

http://img836.imageshack.us/img836/5598/photo0544x.jpg

نخلطو مليح حتى تتشكل فقاعات و اسهل طريقة نخلطو مرة لليمين و مرة لليسار خخخخخخخخخخخ هكذا ساهلة احسن من التحريك بشكل دائري

http://img195.imageshack.us/img195/9853/photo0545b.jpg

نضيفو الكوكاو الرطب و الخميرة و الزيت و نخلط مليح حتى يبياض المزيج

http://img18.imageshack.us/img18/3351/photo0546a.jpg

http://img713.imageshack.us/img713/6113/photo0547x.jpg

نضيفو القازوز و نخلط مليح

http://img850.imageshack.us/img850/3604/photo0549c.jpg


http://img694.imageshack.us/img694/501/photo0551c.jpg

نضيفو الفرينة

http://img9.imageshack.us/img9/4844/photo0552s.jpg

http://img203.imageshack.us/img203/1757/photo0554.jpg

هاذا المزيج بعد ما ضفنا الفرينة يبقى جاري شوية فقط

http://img23.imageshack.us/img23/4096/photo0553n.jpg

نضيفو الكوكاو و جوز الهند و نخليوه 3 دقائق

http://img545.imageshack.us/img545/8243/photo0555h.jpg

هنا بعد ما ضفناه و خلطناه مليح باش يتجانس

http://img838.imageshack.us/img838/8509/photo0556y.jpg


هنا بعد 3 دقائق الكوكاو و الفرينة و جوز الهند تشربو السوائل و تماسك المزيج اكثر

http://img600.imageshack.us/img600/1161/photo0558u.jpg

نحطوه في لي مول بملعقة و نحاول ما نمسخش الجوانب و لا نحطوه في ساشي و نثقبوها ثقبة متوسكة و نفرغو منها باه تجي العملية سهلة و سريعة

نفرغو المزيج في ليمول حتى للخط الدخلاني كاين واحد الخط فالمول ما نتعداوهش باش مع التخمار ما يفيضش العجين . نسخنو الفرن مليح و نشعلو غير من تحت فقط

http://img820.imageshack.us/img820/6205/photo0557b.jpg

نحطوه في فرن سخون مليح انا درت فالكويزنيار على 260 درجة مدة 5 دقائق علاش ؟ باه من فعل السخانة يطلع و الهواء السخون تم تم يعملو قشرة من بعد ما يزيدش يهبط حتى ولو حليتي الفرن مليون مرة
من بعد 5 دقائق ننزل الحرارة 160 او 150 درجة بمجرد ما نبداو نشمو ريحتو معناها طابت من تحت , خخخخخخخخخخخخ بالطبع ماشي ننساوه حتان تولي ريحت الحريق
و لي ما تعرفش تستعمل الضوء نتاع الكويزنيار أو ضواية تشوف بيها داخل الفرن , اذا شافت القاطو صفار شوية و انتفخ بعد تقريبا 10 دقئق و ريحتو بدات تجي معناها طاب من تحت تحل الفور و ما تخافش و تشوف الحواشي و الجناب لازم يحمارو غير شوية ماشي بزاف
طفي و تزيد تشعل من فوق 2 دقائق حتى يولي لونها ذهبي

http://img204.imageshack.us/img204/5757/photo0559d.jpg

هنا بعد ما خرج من الفرن لازم يطيب اصفر ذهبي لأنو كل مازادت المدة رح ينشف و يولي فيه شغل فتات من برا على الوجه التحتاني
نقلبوه فوق سارفيات ولا قطعة قماش نظيفة و نحيو المول الحديد و نخليوه يبرد مليح
ممكن نخليوه كيما هو ممكن ندهنوه بشوية عسل من فوق و نرش الكوكاو لخشين في كلتا الحالتين بنين

http://img442.imageshack.us/img442/3407/photo0560s.jpg

http://img577.imageshack.us/img577/7656/photo0562x.jpg

http://img805.imageshack.us/img805/7575/photo0563f.jpg

http://img9.imageshack.us/img9/6850/photo0564r.jpg

شوفو من داخل بيضا ماشي ميدمة و كي لقطن هشوشة

http://img717.imageshack.us/img717/7725/photo0565r.jpg

http://img845.imageshack.us/img845/3376/photo0566a.jpg

http://img841.imageshack.us/img841/551/photo0567sq.jpg

هادا صحن لحباباتي و للعضوات الكريمات

http://img221.imageshack.us/img221/8713/photo0570i.jpg



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©

استعمل مربع البحث في الاسفل لمزيد من المواضيع


سريع للبحث عن مواضيع في المنتدى