linnou
11-02-2013, بتوقيت غرينيتش 09:19 AM
السلام عليكم يا الغاليات مانطولش عليكم اليوم جبتلكم وصفتي المعتمدة للصابلي جربوها واذا عجبتكم ادعيولي نبداو ببسم الله يلزمنا 250غ مارغرين لابال او زبدة ستار يجي روعة وكاس سكر قلاص المرجان او نونورس وكاس نشاء وحبة بيض واحدة وكيس خميرة كيميائية نوارة مغرفة فاني وزاست 2 حبات قارص يعطي مذاق هايل للصابلي و500 غ فرينة ناقص نص كاس هنا راح نخدمو بالطريقة التقليدية لانو ماشي الناس كامل عنهدم الباتور والعجانة يعني بالقصعة برك وبايدينا نخرجو احلى الحلويات باذن الله نحط في القصعة الزبدة واللي لازم تكون بحرارة الغرفة مع السكر والزاست ونطلعها مليح يعني ضربيها بيدك على حاشية القصعة ماتمحريهاش راح نزيد نحاول نوضحلكم الطريقة اكثرالخدمة مالازمش تكون بالاصابع لانو ماتقدريش تحسي بالعجينة اذا طرية او جافة الخدمة لازم تكون بالحاشية السفلى تاع كف اليد يعني وانتي تخدمي في الزبدة تطلعي اصابعك للفوق شوي وتروحي يمين وشمال مرة يكون الابهام للاعلى والخنصر اسفل ومرة العكس الخنصر اعلى والابهام اسفل
ان شاء الله تكونو فهمتوني اما اذا استعملتو الباتور فهو لازم يستعمل بطريقة افقية لولبية ماتدوريش بطريقة دائرية عشوائية وتتحرق الزبدة المهم كي نخلط الزبدة والسكر و الزاست وترجع مثل الكريمة نضيف البيضة ونزيدو نخلطو مليح وممباعد نضيف المواد الجافة الفرينة والنشاء والفاني والخميرة والطريقة تتكون بخلط الفرينة بالعقل من الاسفل الى الاعلى باه يدخل معاها الهواء ومن الاحسن نوضعوها في صفاية ونذرذرو بالعقل حتى تخلاص كل الكمية
كي توجد العجين تاعنا نخليوها ترتاح وفي الصيف من الاحسن نوضعوها في الثلاجة ونجبد بالشوي حتى تخلاص العجين
نحلوها فوق صاشي ونطبعوها بلي مول اللي عندنا اذا عملنا الصابلي العادي نثقبو الحبات تاوعنا في السينية ماشي على طاولة العمل
ندخلوهم للفرن على درجة 180 ولازم تاخذ الحبة اللون الذهبي الفاتح مالازمش تقعد خضراء
ملاحظةالزاست اللي حطيناه من قبل يمكن يضايق بعض الاخوات وهنا نقولهم انهم بيقدرو يعقبو خليط الزبدة والسكر في غربال وراح تقعد نكهتو حاجة اخرىللامانة المعلمة تاعنا قالتنا نحطو ملعقة صغيرة خميرة برك بصح انا نحط كيس كامل ههههههه مانسمعش الهدرة
هاد المقادير تخرجلنا من 30 الى35 حبة وبالتوفيق لبنات
https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©
ان شاء الله تكونو فهمتوني اما اذا استعملتو الباتور فهو لازم يستعمل بطريقة افقية لولبية ماتدوريش بطريقة دائرية عشوائية وتتحرق الزبدة المهم كي نخلط الزبدة والسكر و الزاست وترجع مثل الكريمة نضيف البيضة ونزيدو نخلطو مليح وممباعد نضيف المواد الجافة الفرينة والنشاء والفاني والخميرة والطريقة تتكون بخلط الفرينة بالعقل من الاسفل الى الاعلى باه يدخل معاها الهواء ومن الاحسن نوضعوها في صفاية ونذرذرو بالعقل حتى تخلاص كل الكمية
كي توجد العجين تاعنا نخليوها ترتاح وفي الصيف من الاحسن نوضعوها في الثلاجة ونجبد بالشوي حتى تخلاص العجين
نحلوها فوق صاشي ونطبعوها بلي مول اللي عندنا اذا عملنا الصابلي العادي نثقبو الحبات تاوعنا في السينية ماشي على طاولة العمل
ندخلوهم للفرن على درجة 180 ولازم تاخذ الحبة اللون الذهبي الفاتح مالازمش تقعد خضراء
ملاحظةالزاست اللي حطيناه من قبل يمكن يضايق بعض الاخوات وهنا نقولهم انهم بيقدرو يعقبو خليط الزبدة والسكر في غربال وراح تقعد نكهتو حاجة اخرىللامانة المعلمة تاعنا قالتنا نحطو ملعقة صغيرة خميرة برك بصح انا نحط كيس كامل ههههههه مانسمعش الهدرة
هاد المقادير تخرجلنا من 30 الى35 حبة وبالتوفيق لبنات
https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©
