طورطة التفاح الهشة من مطبخ جزائري سرسورة

[Chakira]

بسم الله الرحمن الرحيم

هاذ الطورطة لي يذوقها يسقسيني منين شريتها

المقادير
150 غ فرينة
150 غ زبدة طرية
150 غ سكر عادي( cristalise)
3 بيض
1خميرة
1 فاني

التحضير

اخدمي مليح الزبدة بالباتور وامبعد زيديلها السكر وخلطي و امبعد زيديلها البيض وحدة بوحدة يعني لوحي الاولى و خلطي و زيدي الثانية و خلطي وزيدي الثالثة وامبعد الفاني و خلطي مليح و امبعد زيدي الفرينة وخلطي ومع الاخير لوحي الخميرة

في مول دائري ادهنيه بالكراميل سواء كراميل لي يتباع كيما تاع فلان رابحة او لي مخدوم في الدار( كاس سكر وربع كاس ماء و مغرف عصير القارص تخليه فوق نار هادئة مع التحريك حتى ياخذ لون الكراميل)
وامبعد حطي فوقو براج رقاق تاع التفاح وعدليهم باه يمدو شكل جميل
وامبعد لوحي الخليط تاعك وحطيها الطيب مدة حتى تشوفيها نتفخت و حمارت حلي الباب غير بالشوي باه اذا ما طابتش ما طيحش وديري بالموس اذا خرج شايح اجبديها و اذا مبلول خليها تزيد وامبعد غير تخرجيها اقلبيها في حاجة مسطحا وشوفي الشكل و البنة
جربوها و راح تدعولي ان شاء الله
اي سؤال راني في الخدمة والله تجي هشة و بنينة و شكلها رائع سامحوني منقدرش نحط الصور ما حبوش يتحطو



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©