قاطو لفطور الصباح

[salima]

http://im29.gulfup.com/2014-05-27/1338143182551.gif

اهلا اخواتي ان شاء الله تكونو في احسن حال
درت البارح هاد القاطو السااااهل والاقتصادي ولخفييف بزاف =هو وصفة (جزائرية) قديمة كانو يديروها بكري بصح مليييييحة ==
نحتاجو 5 بيضات وكاس سكر كاس زيت فاني زاست 2 خميرة و3 كيسان فرينة وكونفيتير وووو هدا ماكان هههه
والطريقة نفس طريقة المسكوتة نضرب ملييييح البيض نزيد السكر ونضرب مليح ثم نصب الزيت تدريجيا كيما في المايوناز ثم باسباتيل نزيد الخميرة و الفرينة نخلط رايحة تكون عجينة طرية بين قوام الكروكي والمسكوتة نحي منها شوية =قيمة 3 م كبار = والباقي نبسطو في بلاطو كبير مدهون ونبسط العجينة ويمكن نبلل اليد بالماء باش تجي سهلة العملية
بعد ما نبسطوها ندهنوها باكونفيتير مليح وهاديك العجينة لي نحيناها نزيدلها نص كاس فرينة باش تولي يابسة ونرابيه =نبرشها = بلاراب فوق العجينو ونطيبها
نخليها تبرد مليح ونقطعها ونرش عليها طبقة مليحة من السكر رطب
ملاحظة العجينة لي ترابيها انت واش حبيتي الحجم نتاعها انا درتها في الصغيرة باش ما تجيش تبان مليح بصح هي في الاصل تجي في الجهة الكبيرة باش تجي باينة


http://im17.gulfup.com/2014-05-27/1338143080262.jpg




http://im17.gulfup.com/2014-05-27/1338143080203.jpg

قاطو ساهل وبنييين بزاف نتمنى يعجبكم ان شاء الله
سلااااااااااااااااااااااااااااااااااام



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©