عين و حاجب لعيون الزهرة البسامية

[Chakira]

السلام عليكم اختي الزهرة البسامية لخاطر عيونك حوست على روسات و لقيتها و هاي ليك و حبيت نحطها موضوع منفرد باش تنتابهيلها و نخليك مع المقادير :

العجينة :

250 غ زبدة او ماغرين
2 بيض
كاس ماشي معمر سكر رطب
1/2 كأس نشأ
1/2 باكي خميرة + فاني
فرينة
الحشو :
الغرس + قرفة + قرنفل + شوية زبدة
العسل مخفف بماء الزهر
طريقة التحضير :
نعجن الزبدة مع السكر جيدا ثم نضيف اليها البيض نعجن جيدا ثم نضيف النشا و نخلط ثم الفرينة و الخميرة شيئا فشيئا حتى نحصل على عجينة طرية نضعها جانبا ثم نأخد الغرس نضيف اليه القرفة و القرنفل اذا اردتي و قليل من الزبدة و نعجن جيدا ثم نحلل الغرس و نقطعه دوائر
نأخذ العجينة نحللها بالحلال و نقطعها دوائر بنفس الدائرة التي قطعنا بها الغرس نضع دائرة من العجين ثم الغرس ثم دائرة اخرى نأخذ نفس الدائرة الي قطعنا بها و ننزلها اسفل دائرة العجين بحيث نحصل على شكل هلال و نقطع نتحصل على عين و حاجب انشا الله تكوني فهمتيني في هادي الخطوة بذات ندخلها الفرن و نطيبها ثم كي طيب نضعها في العسل و نتركها تتقطر في كسكاس و نضعها في لكسات
اختي ادا مفهمتيش كيفية تقطيع قوليلي و انشا الله نشرح مفصلها مليح



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©