القلاصاج تاعي

[said]

السلام عليكم
نظرا لطلب الكثير للقلاصاج تاعي
حبيت نحطو في موضوع لوحدو باه كامل يشوفوه
بصح اعذروني راهو بدون صور

2 بياض بيض
نصف فنجان تاي زيت
نيف فنجان تاي ماء الزهر
نصف فنجان تاي عصير ليمون
ملون حسب الذوق
سكر قلاصي دو نوعية جيدة
انا استعمل المرجان
الطريقة نخلط كل المقادير باليد جيدا ثم نضيف السكر القلاصي بكمية كبيرة حتان نتحصل على عجينة متماسكة نعجنها جيدا بيدينا
وبعدها نوليو نضيفو بالشوية القارس وماء الزهر حتان نتحصل على قلاصاج متماسك وكثيف ونلونه حسب الذوق
ملاحظة
اذا بقالك القلاصاج مترميهش ديريه في جيب الحلواني للتزيين واحفظيه في الثلاجة وكي تحتاجيه اجبديه قبل بوقت باه يذوب ومنبعد استعمليه
اما اذا حبيتي تقلاصي بيه مرة اخرى حطيه في صحن بلاستيكي وغطيه مليح من الفوق بكيس بلاستيك بصح بشرط خلي الكيس البلاستيكي يلمس القلاصاج باه القلاصاج ميديرش القشرة وحطيه في الثلاجة وكي تحتاجيه اجبديه وزيدولو شوية عصير ليمون وماء الزهر واعدليه و استعمليه
اتمنى اني نكون افتدكم
واي سؤال انا في الخدمة



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©