المساعد الشخصي الرقمي

مشاهدة النسخة كاملة : ادخلي ولن تندمي خلوة رائعة



romaissa
11-02-2013, بتوقيت غرينيتش 09:06 AM
السلام عليكم صحا رمضانكم الحمد لله جوزناه بيات ورانا نحضرو للعيد وراني جبتلكم وصفة (جزائرية) واش نقولكم تذوب في الفم وزيادة على البنة راه الديكور تاعها جاني يهبل المهم مطلعتلكمش الصور على خاطر محبوش يطلعولي مشكل المهم مراحش نطول عليكم
العجينة
250 غ زبدة
3 حبات بيض ( 2 صفار وحبة كاملة)
لافاني
1 كاس سكر قلاصي
1كاس مايزينة
والفرينة حسب الحاجة
الكريمة
1 كـأس كوكاو مرحي رطب
حلوة الترك
250 غ زبدة
1 علبة الفوندو
_علبة تاع نيسلي(حليب مكثف) بعدما تكوني غلقتي عليها في لاكيكوت مدة 1 سا حتى تصبح كراميل


طريقة التحضير
في اناء خلطي الزبدة جديا مع صفار البيض والسكر الناعم حتى تصبح كاالكريمة اضيفي الفانيلا والمايزينة واخلطي تم الفرينة تدريجيا حتى الحصول على عجينة متماسكة


تحضير الكريمة
في الخلاط حطي الزبدة والفوندو وشغلي الخلاط حتى يتداخلا اضيفي الكوكاو وحلوة الترك حتى الحصول على الكريمة


شكلي العجينة في مول الدزيريات ودخليهم للفرن حتى صبح اللون وردي خليهم يبردو ونحيهم من القوالب على فكرة 250 راح تعطيك 57 حبة
بعدما تبرد وتكوني حضرتي الكريمة حطي في قاع كل حبة ملعقة صغيرة كريمة وممبعد ملعقة صغيرة نيسلي بعدا تكرمل الممزوج مع كمية من حلوة الترك وبداي تغرسي في اللوز ايفيلي فوق هداك النيسلي


يعني حلوة النيسلي لكن بمذاق اخر


وعد مني كي يطلعو الصور راح تفهموو واش راني نقول ذوق راااااااائع جربوه ومتندموش راني طولت عليكم لكن حبيت نشرح مفصللكم ولي عندها استفسار راني هناك
صحا عيدكم




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©

استعمل مربع البحث في الاسفل لمزيد من المواضيع


سريع للبحث عن مواضيع في المنتدى