شرح مفصل طريقة تحضير الشو رااااائع

[Chakira]

السلام عليكم و رحمة الله و بركاته



أخواتي في الله هذا اول موضوع لي في القسم اردت ان اقدم فيه وصفة (جزائرية) مجربة و الصور من المطبخ جزائري الجزائري
شرح مفصل طريقة تحضير الشو في المنزل


أنا صراحة أحب الشو لانو خفيف و رائع فعلا


أتمنى انكم تجربو الوصفة (جزائرية) و تعجبكم


في كاسرول و على نار هادئة حطي 100 زبدة أنا نستخدم star و صبي عليها 250 مل ماء و حركي حتى تذوب الزبدة تماما ضيفي عليها 140 غ فرينة و حركي باستمرار حتى تتكون عندك عجينة متماسكة


نحيها من فوق النار و صبيها في وعاء أخر و هنا راح تحتاجي كمية من البيض بين 3 و 4 أنا عندي البيض صغير استخدمت 4


خذي العجينة لي تشكلت عندك و ضيفيلها بيضة في كل مرة و خلطيها حتى تتداخل كامل و راح تقدري بعينك اذا راح تكتفي ب 3 بيضات ولا تضيفي 4 هذا على حسب ليونة عجينة


نحنا نسحقوها لينة شوي لانك راح تشكليها بجيب الحلواني و لي ماعندهاش تستخدم محقن كلنا نعرفوه لكن جيب الحلواني أفضل


بعد ما دخلتي البيض كامل في العجينة انقليها لجيب الحلواني و شكليها في سينية فرن مدهونة بالزبدة و مرشوشة بالفرينة


راح تكون بهذ الطريقة بعدما شكلتيها


http://im27.gulfup.com/2014-07-12/1342116841261.jpg



دخليها لفرن سخون على 200 درجة خليها طيب 30 د من تحت و بعد حلي عليها من فوق مدة 10 د
حتى تحمر لكن ركزي على الجملة هاذي ما تفتحيش الفرن ابدا حتى ينضج تماما لانك اذا فتحتي عليه الفرن راه يهبطلك و يجيكش منتفخ



بعدما يطيب خليه يرتاح و يبرد في هذه الاثناء حضري الكريمة لي راح تحشيه بيها


تقدري تستخدمي كريمة باتيسيار جاهزة la vanoise انا استخدمت ذوق الموز لانو ماشو حاد طريقة التحضير ساهلة و موجودة في الكيس


او تخدمي الكريمة وحدك و هاذي مقاديرها:


في كاسرول من الافضل تكون مغسولة بماء بارد جدااااااا لمنع التصاق الكريمة
حطي 500 مل حليب حتى يغلي و اخفقي 100 غ سكر مع فاني و 2 بيضات و ضيفي عليهم 60 غ نشاء تقريبا 4 م ك
و هزي شوي من الحليب ضفيه على مزيج البيض و حركيه باه تعدلي درجة حرارة البيض لانو لو تصبي الكمية كلها فوقو راح يطيبلك البيض و تخسرلك الوصفة (جزائرية)


بعد رجعي خليط البيض كلو على الحليب لي فوق النار و خلطي مليح حتى يتكاثف و يثقال


فرغي الكريمة تاعك في طبق و غطيها بورق بلاستيك و حطيها تبرد في الثلاجة


مابين ما بردت قطعي حبات الشو عرضيا و احشيها بالكريمة و تقدري ديري عليها شوية قطر من فوق و تلصقي فيه لوز شرائح


و بالف صحة و عافية


هذا شكلو النهائي


http://im27.gulfup.com/2014-07-12/1342116842232.jpg



http://im27.gulfup.com/2014-07-12/1342116842473.jpg


أتمنى تجربوها و ترودو عليا باه نتشجع و نشارك معاكم أكثر




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©