بقلاوة مخططة او لمخبل نفس التسمية من المطبخ جزائري الجزائري

[Chakira]

بقلاوة مخططة او لمخبل نفس التسمية


فقط لمخبل يتقص مربعات اما البقلاوة معينات


المقادير
4كيلات فرينة ، كيلة دهان (3/4 سمن و1/4 زبدة لابال)، ماء الزهر ، والماء ، بودرة كاكاوو


التحضير


نديرو الفرينة والدهان
http://www.5azn.com/uploads/13217988691.jpg
نخلطوهم مليح ونحلوهم براحة اليد حتى تتبسس لعجينة
http://www.5azn.com/uploads/13217988692.jpg
ونلموها بماء الزهر وشوي ماء
http://www.5azn.com/uploads/13217988693.jpg
نقسموها 7 كريات ونغطوها نخلوها ترتاح
http://www.5azn.com/uploads/13217988694.jpg
للحشو


كيلو نوازات ، 500 غ لوز ، 500 غ جوز، سكرو ماء زهر


http://www.5azn.com/uploads/13217988695.jpg


نحضرو الحشو تاعنا


نرحو كل المكسرات نخلطوهم مع بعض
نزيدولهم كيلة سكر (3 كيلات مكسرات بكيلة سكر)
http://www.5azn.com/uploads/13217988902.jpg
ونبلوهم بماء زهر
http://www.5azn.com/uploads/13217988903.jpg
نرجعو للعجينة


نحلو بالوحدة بالنشاء حتى تكون قيس لبلاطو تاعنا


نحطو الورقة الاولى وندهنوها بالسمن ونحطو فوقها الثانية ونزيدو
ندهنو ونكملو هكا حتى نديرو 4 طبقات من تحت


http://www.5azn.com/uploads/13217988904.jpg


نحطو الحشوة تاعنا


http://www.5azn.com/uploads/13217988905.jpg
ونغطو بزوج طبقات اوخرين وماننسوش الدهان بيناتهم


اما الطبقة اللخرة نقسموها على زوج


نص نخلوه ابيض والنص لوخر نديرو فيه بودرو الكاكاوو ونعجنوها مليح حتى تكون لون واحد


وبلاماشين تاع بقلاوة نحلوها ونديرو شرائط من اللونين


وفي وسط البلاطو نحطو شريط بني وبعدو ابيض وهكا واحد في جنب واحد ومايكونوش متباعدين
http://www.5azn.com/uploads/13217989661.jpg
حتى نكملوها
http://www.5azn.com/uploads/13217989662.jpg
ندهنوها للمرة الاخيرة ونقطعوها مربعات
http://www.5azn.com/uploads/13217989663.jpg
ونرشقوها بحبات نوزات وندخلوها للفرن
http://www.5azn.com/uploads/13217989664.jpg
ومع طيب وكي نخرجوها بعد وهي سخونة نشربوها بلعسل فيه شوي ماء زهر
http://www.5azn.com/uploads/13217989665.jpg


وهذا شكلها المعين التقليدي
http://img102.herosh.com/2014/11/15/15847807.jpg


ان شاء الله تعجبكم





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©