كعكة السميد طريقة جديدة

[said]

السلام عليكم
كعكة السميد طريقة جديدة
المقادير: 6 حبات بيض
كوب ونصف سكر
كوب زيت
كوب حليب
2 علب ياهورت من الأفضل تاع المشماش
مبشور وعصير حبة ليمون
3 خمارة
للسيرو
كوب ونصف سكر
3 أكواب ماء
سميد رطب
التحضير:
أولا نشعلو الكوشة ونخلوها تسخن
اهم شيء هنا هو انك تدربي مليح
اللي عندها باتوور احسن
1- نخلطو البيض مع السكرمليح حتى تولي عندنا كريمة صفراء فاتحة ثقيلة نضيف الزيت ونعاود نخلط مليح حتى يتضاعف الحجم تاع الخليط يكون ثقيل وفاتح اللونن نضيف مبشور وعصير الليمون نضيف الياوورت ونخلط مليح في كل مرة باش يدخل الهواء للخليط نضيف الحليب ونخلط
بعد إضافة الياوورت والحليب يصبح الخليط خفيف وسائل
نضيف الدقيق بالتدريج مع الخمارة ونخلط مع إدخال الهواء حتى تولي عندي خليط من التعليم المتوسط الثقل ( الثقل تاعو كيما الثقل تاع المعجون تقريبا)
نحطوها في مول مدهون وندخلوها للكوشة ونقسو شوية للنار تكون من التعليم المتوسطة( ماتكونش قاوية ياسر وماتكونش خفيفة)ونغلقوا. ما نفتحوش الكوشة تاعنا حتى نلاحظو باللي بدات تحمار مالفوق( كل وحدة تعرف للكوشة تاعها)
في هذي الأثناء نوجدو السيرو ما يكونش ثقيل ومن الأحسن نديرو فيه نص حبة قارص تطيب معاه باش تعطي ذوق.
كي تطيب الموسكوتشو تاعنا نخرجوها من الفرن ونسقيها وهي سخونة بالسيرو السخون ونخليها تشربو قاع كل ما تشربيها تكون احسن.
نخلوها تبرد شوي ممبعد نحط على وجهها معجون المشماش ونطليه ونرش فوقو نواد كوكو حتى يتغطى كامل الوجه تاع الكعكة.
من الأحسن في الأخير انك تحطيها فالثلاجة باش تبردلك وتشد روحها.
وبصحتكم( عييييييت من الكتبة)



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©