تارتلات تهبببببببببل كيما لي تتباع

[loulou ange]

هاد العشية درت تارتلات جات تهبللل بلا ما نطول المقادير هوما:
125 غ زبدة تحكيها مليح وتزيديلها 4 مغارف سكر قلاصي وتخلطي بيديك وتزيدي عضمة وفانيلا ودائما حكيها بيدك كيما تعملي الصابلي وبعد زيدي الفرينة ونص شكارة خميرة الفرينة عينك ميزانك كي تتلم العجينة وتجي طرية كيما تع الصابلي
تلميها وتحطيها في التلاجة مدة ربع ساعة
بعد خرجيها من الثلاجة حليها بالحلال ومتنسايش ترشي مكان العمل بالفرينة باه متلصقش ليك وبعد هزيها بالحلال وحطيها في السنيوة تيعك ويفضل انك تشري هاديك لي تخرج من التحت باه كي تطيب تجيك ساهلة حطيها في الفرن كي تشوفي الحواشي حمارو نحيها
درك نحضرو لاكريم باتسيار : عضمة + فانيلا+4 مغارف سكر + 2 مغارف ونص نشاء وتخلطي
من جهة اخرى تحطي نص لتر حليب فوق النار يسخن كي يسخن تصبي شوية فوق خليط العضام والنشا والسكر والفانيلا وتحركي بسرعة وبعد تهزي الخليط وتفرغيه في الطاوة تع الحليب ونخلط حتان يعقاد الخليط
نحي السنيوة من الفرن ونعمرها بالكريم وزينيها بالفواكه لي تحبيها جربوها وردولي الخبر
http://a7.sphotos.ak.fbcdn.net/hphotos-ak-ash4/295342_345563188857398_1487710750_n.jpg
http://a8.sphotos.ak.fbcdn.net/hphotos-ak-ash3/576033_345563605524023_1987352249_n.jpg



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©