قاطو بارد لعيونكم

[walid]

السلام عليكم و رحمة الله و بركاته
حباباتي جبتلكم قاطو بارد مليح في المناسبات و خاصة الفيونساي يتقدم مع العصير هو الاول . الصور مهزيتش مي ان شاء الله نفيدكم بالصور تشبهلها

أولا : العجينة تشبه عجينة الصابلي و لكن بيضة واحدة وكي توجد بسطي العجينة و قطعيها دوائر و حطيهم في المولكيما القنيدلات
المول يكون من التعليم المتوسط كيما هاذا
http://dc17.arabsh.com/i/03582/pajy6747qsh3.jpg



و البيضوي أفضل كيما هاذا
http://dc14.arabsh.com/i/03582/3y0memnhvesz.jpg
كي يتحمرو نحيهم
ثانيا: بعد ما طابو تحشيهم بالياؤورت و هي من نوع الصومام تكون خاثرة لتتباع ب 20 دج قارص أو تارت بالفراز هما ليصلحو و تكون بنينة ماتعبيهاش بزاف
ثالثا: توجدي كريم شونطي و تزيني بيها من الفوق كيما هاك على الطول أفضل


http://dc05.arabsh.com/i/03582/epqy3vd9f254.jpg

رابعا: تجيبي الكيوي و الموز و الفراز و قطعيهم دوائر و هاذوك الدوائر الى النصف و تزيني بيهم من فوق الكريم ،كما فالفوطو مي في مكان الكيوي اديري الفاكهة لعندك بالتناوب

http://dc17.arabsh.com/i/03582/axu1wm3rtnye.jpg

و في الاخير حطيها فالثلاجة حتى تقدميها لضيوفك
و ان شاء الله تعجبكم و تجربوها و انتظر ردودكم خواتاتي
http://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gif:1 9:http://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gif




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©