بيني بنان خفاف كالريشة من مطبخ جزائرينا الاقتصادي

[romaissa]

بسم الله الرحمن الرحيم

السلام عليكم و رحمة الله

هاذ وين كملت ماما لبيني ، جاو خفاف كالريشة كاين اللي حشاهم بالمعجون من الداخل و كاين اللي راح يدير مطارد و شواء
شوفو من الداخل كيفاه مثقبين
في الحقيقة موالفين بكري نعسلوهم من الخارج فقط و يجو يقرمشو روعة
سامحوني على الديكور البسيط صورتهم مباشرة من الإيناء تاعهم ، الديكور و الزينة ماشي اختصاصيhttp://www.dzbatna.com/images/smilies/1.gif

هاذ طريقة أمي سريعة و سهلة و اقتصادية
المكونات: 500 غ فرينة ،1 م ص خميرة الخبز (النوع الجيد)، 2 م ك زيت، ملحن مبشور برتقال، ماء دافئ,
الطريقة: يعجن الكل بشرط تكون عجينة طرية أكثر من تاع المطلوع (ماما جامي دلكها)
و كل ما تطلع نحي منها الهواء (5 مرات)
قبل كل شئ بللي اليدين بالماء في كل مرة ثم : عند الطهي نحي عجنة على حجم الجوزة (او اي حجم) صغيرة بيدك و حليها بالأصابع رقيقة وتقلى في الزيت سخون راح تطلع فوق الزيت ، ساعديها بالملعقة ديري الزيت من فوقها راح تنتفخ http://www.dzbatna.com/images/smilies/biggrin.gif

لا تحتاجي لا زيت لا فرينة لا بلاطو http://www.dzbatna.com/images/smilies/1.gif مباشرة من اليد حليها بالأصابع الى المقلاة
خسارة لم اصور الخطوات لم اكن انوي ان اضع الوصفة (جزائرية) حتى تفكرت بلي اخواتي يحبو الوصفات جزائرية الاقتصادية و السهلة http://www.dzbatna.com/images/smilies/1.gif


http://up.dzbatna.info/uploads/13244993022.jpg

http://up.dzbatna.info/uploads/13244993021.jpg


دعواتكم اخواتي
http://www.dzbatna.com/images/smilies/mh31.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©