اسهل واحلى سويس رول

[admin]

اختي رايحة لسهرة وتخمي واش تدي؟؟تفضلي الحل
عندي مشاركة بسيطة مي تنفعك وتحمر وجهك
هذي حلوة شغل باتيسري بسيطة وماتاخذش وقت وهي عبارة
عن سويس رول خفيف مانطولش عليك المقادير
6بيضات +مقدارهم سكر تنقصي منو ملعقة+2خمارة
الكريم باتسيار تحبي نذكرك بيه كاس صغير ماي زينة
+مقدارو 5ماء+قطع زبدة+معطر غذائي او ماء زهر....حسب الذوق
+مقدار سكر.ملون حسب الذوق او حليب للون الابيض
التحضير
تخلطي العجينة كي شغل موسكوتشو تطيبيها في صينية
مدهونة بالزبدة ومرشوشة بالفرينة كيما العادة لمدة 40دقيقة
حضري الكريم كيما مالف ماي زينة الماء السكر المعطر
ومبعد حطيهم على نارهادية وخلطي حتى تتخثر
انزعيها من النار ومباشرة ضيفيلها الزبدة والملون انا اخترت
قليل من الاحمر روعة تخرجلك غوز .وجدي فوطة مطبخ جزائري مبلولة
وجبدي الحلوة وحطيها على الفوطة مباشرة ولفيها بسرعة
وخليهاشوية باش تاخذشكل رولو افتحيها من جديد وحطي عليها الكريمة
وعاودي لفيها حطيها في الثلاجة شوية ومبعد زينيها حسب خبرتك يا شاطرة
سكر ناعم ياناعم ولا شوكولاطة مذوبة ولا كاكاو خاصة اذا كنتي
لونتي الكريمة بالكاكاو وقطعيها دوائر وبالصحة والعافية
ملاحظة بدون زيت .http://www.dzbatna.com/images/smilies/dj_17.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©