كيما وعدتكم pizza italienne - من المطبخ جزائري الجزائري

[loulou ange]

مساء الخير حبيباتي اليوم راح نوريلكم طريقة عمل عجينة البيتزا الايطالية وصدقوني بدون مبالغة لذيذة ورائعة والطريقة الاصلية كيما ترفو نحطو النواشف ثم السوائل والبيتزا تحب العجن بزاف بصح انا كيما تعرفو مانجيبلكم غير الساهل غيرت في الطريقة وشوية في المقادير وجربتها مرارا وتكرارا بطريقتي حتى نتاكد انها ناجحة 100/100 ومهما نقلكم عليها قليل تجي خفيفة وسهلة وماتاخدش وقت خلاص وتجي العجينة رقيقة لدرجة انك ماتقدرش تحمليها وهي ساخنة
جربوها وراح تعتمدوها وراح تدعيولي بزاف بزاف انا راح نقدملكم ثلاث طرق وحشوات لعجينة واحدة وانتوما اذا تحو غيرو اتزيين حسب رغبتكم




اولا انا استعملت نفس العجينة في الانواع في 3 اللي هي العجينة الايطالية ومكوناتها هي
في صحن غامق ولا سالاديار حطي 1كاس ونصف حليب دافي انا عملت بكاس لينوكس ومعاه مغرف كبيرة سكر+ملح قيس 4 قرصات صغيرة ولا حسب الرغبة وماتكثروش لان الجبن مالح+ملعقة كبيرة ونصف خميرة الخبز +فوق شوية من ربع كاس زيت يعني ماتوصليش لنصف كاس زيت زيتون ولا زيت عادي ولا مزيج منهم لانو كاين اللي مايحبش ذوق زيت الزيتون كيما اخواتاتي انا عملت زيت عادي لكن الاصلية بزيت الزيتون خلطي الكل مع بعضش وزيدي 2 كيسان فرينة وخلطي مليح بملعقة الخشب مليح مليح حتى تتحل الفرينة مليح وزيدي 1 خميرة الحلوى هادي هي الاضافة اللي من عندي وزيدي الفرينة حتى تتحصلي على عجينة طرية وايلاستيك لميها بيدك حتى تتجانس وادهنيها شوية بالزيت وحطيها في كيس واغلقي عليها حتى تختمر

http://sphotos-b.ak.fbcdn.net/hphotos-ak-ash3/544251_428733980534226_265825220_n.jpg
حضري صوص طوماط وخليها على جنب واللي تحب طريتي نحطهالها

وهاذو مستلزمات الحشو والتزيين

http://sphotos-h.ak.fbcdn.net/hphotos-ak-ash3/544251_428733983867559_449218445_n.jpg
http://sphotos-g.ak.fbcdn.net/hphotos-ak-prn1/544251_428733987201492_1909769446_n.jpg
http://sphotos-a.ak.fbcdn.net/hphotos-ak-ash3/544251_428733990534225_939114697_n.jpg

http://sphotos-d.ak.fbcdn.net/hphotos-ak-prn1/544251_428733977201493_387562892_n.jpg
كي تحتمر العجينة نزليها من غير ماتعجنيها وكوريها لاربعة كور

http://sphotos-d.ak.fbcdn.net/hphotos-ak-ash3/540865_428736533867304_1717814740_n.jpg
رشي المول نتاع الفرن بالفرينة
شعلي الفرن على اعلى درجة وخليه يسخن مليح مليح

رشي سطح العمل بالسميد

http://sphotos-b.ak.fbcdn.net/hphotos-ak-prn1/540865_428736530533971_1262567_n.jpg
وابداي حلي العجينة باصابعك مليح وخلي الحواف شوية خشينة وادا جاتك صعيبة حليها بالحلال رقيقة المهم كل مرة رشي السميد حتى تجيك عملية الفرد ساهلة
http://sphotos-f.ak.fbcdn.net/hphotos-ak-ash3/540865_428736537201437_671217355_n.jpg

وحطيها في البلاطو المرشوش بالفرينة

التشكيل
اولا pizza napolitaine او بيتزا نابوليتان انا عملتها بثلاث انواع من الجبن شيدار وقرويار وفروماج ايمونتال وممكن تعملي في مكانو جبن موزاريلا

كي تحلي العجينة حطي فوقها كمية من الصوص طوماط من غير ماتوصلي للجوانب
http://sphotos-h.ak.fbcdn.net/hphotos-ak-prn1/540865_428736540533970_999077582_n.jpg

ابرشي كمية مليحة من 3انواع نتاع الجبن وكثري من الشيدار زيدي فوقو كورات من اللحم المفروم وادا ماتحبيش الحوم ديري خضار كيما البروكولي او الفلفل الحلو مقطع شرائح وزيتون حسب الرغبة
http://sphotos-b.ak.fbcdn.net/hphotos-ak-snc7/484980_428737237201467_231304939_n.jpg

ودخليها مباشرة للفرن من غير ماتعمليلها ثقوب بالفرشيطة طيبيها من فوق وتحت ماتاخدش منك وقت ممكن اقل من 5 د حسب نوع الفرن
رشيها بشوية زيت زيتون وقدميها مباشرة
http://sphotos-e.ak.fbcdn.net/hphotos-ak-snc7/484980_428737243867233_866176683_n.jpg

شوفي طيابها من تحت


http://sphotos-c.ak.fbcdn.net/hphotos-ak-snc7/484980_428737240533900_1473778247_n.jpg
ثانيا pizza andalouse او بيتزا اندلسية
حلي العجينة بنفس الطريقة وحطي فوقها الصوص طوماط وابرشي كمية من كبيرة من جبن شيدار وشوية قرويار وحطي فوقها قطع من الشامبينيو او الفطر وشرائح زيتون اخضر ودخليها لفرن ساخن مباشرة حتى تطيب من فوق وتحت في نفس الوقت وعند التقديم رشيها بزيت الزيتون وقدميها مباشرة وهي سخونة

http://sphotos-f.ak.fbcdn.net/hphotos-ak-snc7/295551_428739447200346_377696961_n.jpg

http://sphotos-g.ak.fbcdn.net/hphotos-ak-prn1/555027_428739967200294_222785540_n.jpg

http://sphotos-a.ak.fbcdn.net/hphotos-ak-prn1/555027_428739963866961_1132418869_n.jpg

ثالثا pizza4saisons او بيتزا الاربعة فصول http://www.4osraty.com/vb/images/smilies/247432[1].gifhttp://www.4osraty.com/vb/images/smilies/247432[1].gifhttp://www.4osraty.com/vb/images/smilies/247432[1].gif وهادي ذوقها رهيب وانا نموت عليها
حلي العجينة بنفس الطريقة وديري فوقها كمية من الصوص طوماط وابرشي كمية مليحة من الشيدار والقرويار ولا اي جبن تحبيه

http://sphotos-g.ak.fbcdn.net/hphotos-ak-ash4/484980_428737247201466_437718584_n.jpg
وديري خطوط وهمية بالسكين يعني ماتلمسيش العجينة بيه كانك قسمتيها على 4
جهة حطي فيها زيتون اخضر مقطع وفوقو طبقة من الفطر او الشومبينيون وفي الجهة اللي جمبها حطي كمية من الفالف الحلو المقطع شرائح رقيقة او اي نوع من الخضار اللي تفضليها وفي الجهة الثالثة حطي كمية من الزيتون الاسود وفوقو كمية من الدجاج المفتت وممكن تعملي في مكانو جمبري او كروفات مسلوق انا ماكانش عندي اما الجهة الرابعة حطي فيها كويرات صغيرة قد حبة الزيتون من اللحم المفروم النيء يعني ماشي طايب وممكن تعوضيه بتونة مصفية من الزيت

http://sphotos-a.ak.fbcdn.net/hphotos-ak-ash4/484980_428737250533899_2014065527_n.jpg
http://sphotos-c.ak.fbcdn.net/hphotos-ak-snc7/487448_428738647200426_592712450_n.jpg

http://sphotos-e.ak.fbcdn.net/hphotos-ak-snc7/487448_428738650533759_253936403_n.jpg

http://sphotos-g.ak.fbcdn.net/hphotos-ak-ash4/487448_428738653867092_1855157545_n.jpg

http://sphotos-a.ak.fbcdn.net/hphotos-ak-ash4/487448_428738657200425_1880481438_n.jpg

دخليها لفرن ساخن مباشرة من غير ماتقبيها بالفرشيطة وطيبيها من فوق وتحت في نفس الوقت وكي تخرجيها مباشرة زيدي ابرشي عليها شوية جبن ورشيها بشوية زيت زيتون امممممممممممممم يعطيها دوق هايل وقدميها مباشرة وهي ساخنة

http://sphotos-a.ak.fbcdn.net/hphotos-ak-ash4/295551_428739433867014_221150310_n.jpg

http://sphotos-g.ak.fbcdn.net/hphotos-ak-ash4/295551_428739437200347_653997583_n.jpg

http://sphotos-b.ak.fbcdn.net/hphotos-ak-ash4/295551_428739440533680_1026649546_n.jpg

http://sphotos-h.ak.fbcdn.net/hphotos-ak-snc7/295551_428739443867013_1065552785_n.jpg


راني حطيتلكم الصوص طوماط بطريقتي نزولا عند رغبتكن حبيباتي

في هذا الوقت حضري صلصة الطماطم وهادي طريقتي
اغسلي تقريبا 1كلغ من الطماطم الطرية واعصريها من البببدور والماء اللي فيها مليح ثم ارحيها ولا ابرشيها بلاراب وارمي القشرة اللي تبقالك راح تتحصلي على طماطم ثقيلة وعلى فكرة البذور والماء اللي في الطماطم هما اللي يخليو الصلصة تجي قارصة ولا حامضة انا دائما ننزعهم في جميع صلصاتي جربوها وراح تشوفو الفرق وهدا سر نجاح الصلصة
المهم حطو هديك الطماطم في مقلات مع حبة بصل صغيرة مبروشة +1سنة ثوم+ ملعقة سكر +ملح حسب الرغبة+3 ملاعق كبار زيت خلطي الكل وخليه على نار هادئة ربع ساعة

http://sphotos-g.ak.fbcdn.net/hphotos-ak-ash3/406091_406203269453964_108294238_n.jpg
ثم زيدي فوقها ملعقة من التعليم المتوسطة طماطم مصبرة ممكن اكثر او اقل حسب طماطم الحب اللي عملتيها انا اللي عملتها كانت ماشي حمراء مليح

http://sphotos-e.ak.fbcdn.net/hphotos-ak-prn1/73373_406203289453962_1256185780_n.jpg
خلطي الكل وخليها على نار هادئة مابين ماتكون العجينة اختمرت

http://sphotos-e.ak.fbcdn.net/hphotos-ak-snc7/424343_406203679453923_1597727385_n.jpg
معلومة...الطماطم من الخضر اللي يزيد تركيزها كل وين تخلوها اكثر على النار يعني كل وين تخلوها مدة اطول على نار هادئة كل وين تزيد تتركز مليح ويجي مذاقها بنين
نتمنى تجربوها لانها هبال بأتم معنى الكلمة http://www.4osraty.com/vb/images/smilies/blush2[1].gifhttp://www.4osraty.com/vb/images/smilies/blush2[1].gifhttp://www.4osraty.com/vb/images/smilies/blush2[1].gif
وفي الاخير راني نستنا ردودكم وتقييماتكم وبلا ماننسى تطبيقاتكم



__________________



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©