غراتان من مطبخ جزائري رحيق النحل و تكوني اختا للشيطان

[Chakira]

السلام عليكم اخواتي واش راكم ان شاء الله تكونو كامل بخير
بما ان الجميع يعلم ان التبذير حرام اليوم جيتلكم غراتان صحي و شهي بالخضراوات. كنت حضرت بالامس مرق جلبانة مع بطاطا و جزر و قعدلي منو و علابالي لي ماش راح يتكل و با ما نرميهش قررت نعمل منو غراتان شهي لاضرب عصفورين بحجر واحد منو تكون عندي طبخ جزائرية جديدة اكلت حتى اخر فتفوتة هههه و منو ما نكونش اختا للشيطان بالتبذير و رمي نعمة ربي. ما نكثرش من التفلسيف و مباشرة الى الوصفة (جزائرية)
اولا قليت 3 حبات بطاطا
http://cdn.top4top.net/i_65a4ed1b542.jpg
ثم جبت بلاطو بيركس و حطيت طبقة من دوائر البطاطا المقلية ثم طبقة من الجلبانة و خضراواتها بعد ان صفيتها من المرق
http://cdn.top4top.net/i_65a4ed1b543.jpg
من جهة اخري قليت شوية كبدة مع شوية ثوم مبشور و ملح و فلفل اسود و حطيتها فوق الخضراوات و زدت قطعت فوقها 4 حبات فرماج
http://cdn.top4top.net/i_65a4ed1b545.jpg
في اناء كسرت 3 حبات بيض +2 ملاعق اكل مملوؤة معدنوس مقطع رقيق+ نصف حبة جومبو بقر و افرغت نصف الكمية فوق الكبدة
http://cdn.top4top.net/i_65a4ed1b544.jpg
ثم غطيت الكبدة بما تبقى من دوائر البطاطا المقلية و افرغت ما تبقى من خليط البيض و المعدنوس ثم مباشرة الى الفرن كنت سخنتو من قبل .
http://cdn.top4top.net/i_65a4ed1b546.jpg
و هده صورة مقربة باه نسخفكم ههههه
http://cdn.top4top.net/i_65a4ed1b547.jpg
و شهية طيبة مع دعوة خيرو رد حلو بحلاوتكم .




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©