بيتزا كالزوني : اللي ماتدخلش ربي يسهل فيها

[salima]

http://up.dzbatna.info/uploads/13466273241.gif


الوصفة (جزائرية) 19 : بيتزا كالزوني


مساء الخير عليكم ، راني جبتلكم وصفة (جزائرية) ساهلة ماهلة وأحلى حاجة فيها انو ماكانش اللي حطتها قبلي في المنتدى واااااااي http://www.dzbatna.com/images/smilies/1.gif

نحتاجو :
* عجينة بيتزا عادية ، كل وحدة تستعمل عجينتها اللي مالفة بيها وترتاح معاها ، تخمرها مرتين وتستخدمها( باش تحضروها نفسيا وماتخلعش http://www.dzbatna.com/images/smilies/biggrin.gif) ، أما اللي تحب تستعمل عجينة العشر دقائق طبعا تقدر تستعملها مباشرة .
الأخوات اللي طلبو مني وصفة (جزائرية) عجينة البيتزا ، راهي في هذا الرابط : http://www.dzbatna.info/vb/showthread.php?t=1239577
http://im37.gulfup.com/llqqI.jpg
* صلصة طماطم كيما اللي نديرو في البيتزا .
* الحشو كيما تحبو : ممكن شرائح زيتون أخضر، جبن أبيض ، بيض ، جبن مبشور ، جبن موزاريلا ، شرائح فلفل أخضر ، معدنوس مقطع ، فطر مقلي في شوية زبدة ، لحم مفروم ، تونة ..............الخ . كل واحد وذوقو ، كيما ديرو للبيتزا العادية.

التحضير :

1- نقسم العجين ( أنا درت 450غ فرينة ) على 6 أو 8 إذا تحبي تصغري الحبات شوية مع العلم أن البيتزا كالزوني جي الحبة نتاعها كبيرة . نشكل كويرات ونخلي العجين يريح حوالي 10د .
2- نرش الطاولة بالفرينة ونبدا نحل بالحلال القرصة الأولى ( حاولو ترققوها لأننا سوف نثني العجين على 2 ) ونحط فوقها حوالي 2-3 ملاعق من صلصة الطماطم وحاولو ماتقربوش من الحافة باش ماتخرجش الصلصة
http://im37.gulfup.com/UIRzY.jpg
3- نحط الحشو كما في الصورة :
http://im37.gulfup.com/QBx42.jpg
4- نعمل حفرة في وسط الحشو ونحط فيها صفار بيضة والبياض وزعوه فوق الحشو من جهة النص ماتخليوهش يسيل من جهة الحافة باش مايخرجش
http://im37.gulfup.com/QECBJ.jpg
سامحوني على رداءة الصور ، نخدم ونصور ويديا خامجين بالبيض .
5- نغلق البيتزا كالزوني ونطوي الأطراف جيدا باش ماتتحلش ونثقبها 2 أو 3 ثقوب .
http://im37.gulfup.com/MQB8R.jpg
6- ندخلها إلى فرن مسخن مسبقا على درجة حرارة من التعليم المتوسطة 200° ، راهي طيب بسرعة ( الصينية مدهونة بالزيت )
7- كي طيب من تحت حمروها من فوق .
8- خليوها في الصينية تبرد حوالي 10د رايحة طير بسهولة من الصينية كيما تقولها ماما تعرق خخخخhttp://www.dzbatna.com/images/smilies/biggrin.gif
هاهي كي طابت وخرجت الصينية من الفرن :
http://im37.gulfup.com/1CuMu.jpg
شوفو البيض من داخل كي طاب وقطعتها على 2 لان الحبة كبيرة :
http://im37.gulfup.com/53fvV.jpg
http://im37.gulfup.com/EC0bG.jpg
راهي خفيفة ولذيذة وتغيير شوية في شكل البيتزا http://www.dzbatna.com/images/smilies/19.gif
*ملاحظات
-أنا حطيت فوقها حبة زيتون ، هي مايجيش فوقها زيتون أسود كيما البيتزا العادية لكن عائلتي تفرح بالزيتونة هاذيك ههههhttp://www.dzbatna.com/images/smilies/biggrin.gif
- هاذي البيتزا مايدهنوهاش راهي تحمار بدون دهن
- ممكن متحطوش فيها بيض هذا حسب الرغبة طبعا.
- إذا ماحطيتوش فيها بيض ، ممكن نصف الدائرة اللي ماحطيتوش فوقو الحشو تشرح مفصلوه ( تعملو فيه خطوط بالسكين ) وتغلقو البيتزا ، كي طيب وتنتفخ يجي شكل جميل http://www.dzbatna.com/images/smilies/19.gif .

ياعمري عليا ، خمسة وخموس واش هذا ، مالقيت مانقول خخخخخخخخخخخخhttp://www.dzbatna.com/images/smilies/biggrin.gif

أرجو أن تنال إعجابكن ، قبلاتي http://www.dzbatna.com/images/smilies/mh31.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©