كارثة مطبخ جزائريية تحولت إلى طبق لذيذ

[walid]

http://up.dzbatna.info/uploads/13466273241.gif


الوصفة (جزائرية) 18



البارح حبيت ندير السفيرية على طريقتي الخاصة ، أنا عمري لا كليتها ولانعرف كيفاه يديروها ، نعرف فقط عموما انها كريات بطاطا مقلية مع صوص بيضاء باللحم أو الدجاج و ماحبيتش نقرا الوصفة (جزائرية) نتاعها ونتعلمها من المنتدى باش نجيب أفكار من راسي وندير حاجة جديدة.
ياسيدي ، لقيت البطاطا رخيصة شريت 10كغ وقلت نمتعهم بالبطاطا حتى وين تخرج على نيفهم http://www.dzbatna.com/images/smilies/biggrin.gif .
روحت غليت حوال 1.5 أو 2كغ بطاطا في الماء ثم قشرتها وجيت نربزها بالفرشيطة بصراحة وجعني ذراعي من مجرد الفكرة http://www.dzbatna.com/images/smilies/biggrin.gif قلت في بالي مالا الروبو واش نديرو بيه ، قارنيتور وخلاص http://www.dzbatna.com/images/smilies/mad.gif، حطيتها في الروبو تترحى واش نحكي واش نخلي http://www.dzbatna.com/images/smilies/rolleyes.gif عمري لاشفت البطاطا دارت هكذا كأنها غراء صيني http://www.cheesebuerger.de/images/more/bigs/a093.gifماحبتش تترحى خلاص وجيت نخرجها من الروبو ماحبتش تخرج لصقت كامل في بعضاها عجينة وحدة http://www.dzbatna.com/images/smilies/confused.gif ماجيت نهبطها طار ذراعي http://www.dzbatna.com/images/smilies/rolleyes.gif وليت قلت نرحي الكمية اللي مازالت في رحاية اليد ...والو كانها مطاط وليت فرغتها في كاسرول وهي هكذاك نص مرحي ونص كتل وبقيت نتفرج واش نقوللكم أكثر من مجزرة الديول ...البطاطا في وجهي في يديا وفي قشي كامل هنا خرج الدخان من وذنيا آآآآآآآآآ خلاص قالي راسي نرميها http://www.cheesebuerger.de/images/more/bigs/c004.gif، تفكرت سلاحف النينجا مساكن غاضوني ، تعوذت من الشيطان الرجيم وفكرت http://www.cheesebuerger.de/images/more/bigs/a065.gifولثمة ضربت في راسي فكرة ، قلت هي خلات وطفرت مالا نغامر ونشوف :

1- البطاطا : كسرت عليها 4 بيضات وحطيت شوية ملح ( ماكثرتش ) وخلطتهم مليح معاها ودهنت المول نتاع الفور بالزبدة مليح وفرغت البطاطا فيه وإلى الفرن. كي تنفخت وحمارت من تحت حمرتها شوية من فوق وطفيت.
2- الصوص :
* قليت في شوية زيت حبة بصل كبيرة مقطعة بدون ملح وكي بدات تتحمر ( ماتخليوهاش تحمار ) ،أضفت صدر دجاج ( مقطع قطع صغيرة ) ونص علبة فطر
http://im36.gulfup.com/EMr7K.jpg
*وكي بدأ يتحمر أضفت الملح + فلفل أسود وثوم ورند +1 حبة جزر كبيرة يتيمة كانت في الثلاجة مسكينة + كمشة جلبانة
http://im36.gulfup.com/Ok15R.jpg
*وقليت شوية برك وأضفت ماء ( ماشي بزاف قدر ما تغطي المكونات فقط ).
http://im36.gulfup.com/JaAq5.jpg
*كي غلى المرق غلقت الكوكوط وخليتها على نار هادئة باش تنضج المكونات بدون أن ينشف المرق.
* بعد ما خليت البطاطا بردت حوالي 15د
http://im36.gulfup.com/sf6Uy.jpg
مررت سكين على الحواف و قطعتها كأنها كيك وقدمتها في صحن وسقيتها بشوية مرق وخضر ودجاج وفطر وقدمتها مع كسرة رخسيس .
http://im36.gulfup.com/sIr0n.jpg

صراحة طبق لذيذ جدا مع أنني من الغضب ماكنتش في وعيي والله طبخ جزائريت وماعلاباليش إذا المكونات هاذي مع بعض تعطي طبق لذيذ أو رايحين نباتو بلا عشاء http://www.cheesebuerger.de/images/more/bigs/c027.gif.
الحمد لله مرت بسلام http://www.cheesebuerger.de/images/more/bigs/c016.gifوتعشات عائلتي في جو من المرح وعجبهم الطبق مع أنهم مايعجبهم والو http://www.cheesebuerger.de/images/more/bigs/a122.gif

حبيت نقول باللي ماشي ديما كي ندير مجزرة نرميها في المجاري لسلاحف النينجا هههههه راسي ساعة على ساعة يخرجني من المآزق هههه http://www.cheesebuerger.de/images/more/bigs/e142.gif

تحياتي http://www.dzbatna.com/images/smilies/1.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©