من المطبخ جزائري الجزائري خبز البانيني +شاورما اكسبراس من ابتكاري و بطريقتي الخاصة

[romaissa]

السلام عليكن كنت وعدت بعض الاخوات بتقديم خبز البانيني على طريقتي الخاصة وراني جبتهولكم بالتفصيل الممل راح يجيكم خفيف ولذيذ ومايتشبعش وبعجينتي الساهلة كيما عودتكم اللي مقاديرها مضبوطة وماحتاجش للعجن
وحبيت نبشركم بلي راني اخترعت طريقة جديدة لعمل الشاورما ساهلة وماتحتاجش للفرن وراح تاخد منكم ربع ساعة لا غير علابالي تموتو على الساهل كيما انا وراني سميتها شاورما إكسبراس






في صحن حطي كاس ماء دافي مع ملعقة سكر وملح حسب الرغبة وملعقة كبيرة خميرة الخبز 4 ملاعق كبيرة زيت عادي خلطي بالملعقة
http://sphotos-d.ak.fbcdn.net/hphotos-ak-prn1/529351_417717028302588_662794702_n.jpg



زيدي فوقهم فرينة مغربلة بالتدريج ومعاها نصف باكي خميرة الحلوى وخلطي بملعقة خشب حتى تتحصلي على عجينة طرية ولينى وتلصق شوية برك حطيها في كيس واغلي عليها كيما متعودين وخليها تختمر حتى يتضاعف حجمها اعتقد هاد الخطوات تعودتو عليهم معايا ومافيش داعي للصور
كي تختمر قسميها بالسكين على 4 قطع متساوية


http://sphotos-f.ak.fbcdn.net/hphotos-ak-ash3/529351_417717031635921_1456889905_n.jpg
على سطح مدهون بالزيت حلي الكويرة الاولى بالحلال بعد ماتدهني وجهها بشوية زيت لتسهيل العملية




http://sphotos-g.ak.fbcdn.net/hphotos-ak-ash3/529351_417717034969254_2032491280_n.jpg
روليها على بعصها كيما تعملي السويس رول وعدليها حتى تاخد شكل الخبزة


http://sphotos-c.ak.fbcdn.net/hphotos-ak-prn1/529351_417717041635920_217480838_n.jpg


http://sphotos-a.ak.fbcdn.net/hphotos-ak-ash3/529351_417717038302587_1885476621_n.jpg



حطيها في مول مدهون بالزيت وماتنسايش تحطي الجيهة المفتوحة من تحت


http://sphotos-f.ak.fbcdn.net/hphotos-ak-snc7/405673_417718141635810_1027644614_n.jpg
كملي بنفس الطريقة مع باقي الكويرات وبعديهم على بعضهم لانهم يزيدو يخمرو
سخني شوية الفرن حتى يدفى وطفيه ودخلي الخبزات يزيدو يتخمرو فيه حتى يتضاعف حجمهم تماما خطوة مهمة جدا ممكن شي 45د لاننا في الشتاء


http://sphotos-e.ak.fbcdn.net/hphotos-ak-ash4/405673_417718154969142_235628427_n.jpg
كي يتخمرو مليح دخليهم لفرن ساخن وطيبيهم على بياض يعني مالازمش يحمارو
خليهم يبردو تماما حتى يجيك الخبز خفيف وماشي معجن
الحشو اولا تحضير شاورما اكسبراس على طريقة نينا


http://sphotos-c.ak.fbcdn.net/hphotos-ak-snc7/404918_417719658302325_34608684_n.jpg
في مقلات حطي زوج ملاعق زيت وحطي شرائح من السكالوب او صدر الدجاج او الداند غطيهم وخليهم 3دقايق واقلبيهم من الجهة الثانية ثلاث دقائق اخرى بعد ماتغطيهم وفكرة الغطاء انها تخلي الدجاج يستوي من الداخل وفي نفس الوقت يبقى طري من برا


http://sphotos-d.ak.fbcdn.net/hphotos-ak-ash4/405673_417718144969143_1697788127_n.jpg


http://sphotos-a.ak.fbcdn.net/hphotos-ak-ash4/405673_417718148302476_1926029291_n.jpg
نحيه وفتتيه شرائح بيدك


http://sphotos-g.ak.fbcdn.net/hphotos-ak-snc7/405673_417718151635809_2119491934_n.jpg
عاودي رديه في نفس المقلات وزيدي فوقو الخلطة الخاصة بالشاورما واللي هي
ابرشي نصف حبة صغيرة بصل مع زوج سنات ثوم زيديلهم ملعقة كبيرة خل ونصف ملعقة صغيرة من الفلفل الاسود والكسبر المرحي والكمون ومعاهم الملح وملعقة من الهريسة وزوج ملاعق ماءخلطي الكل وصبيه فوق السكالوب فوق النار
http://sphotos-b.ak.fbcdn.net/hphotos-ak-ash4/404918_417719644968993_1275399876_n.jpg


وخلطيهم على نار قوية زوج دقايق مع التحريك حتة تدخل المكونات مليح فيه وطفي النار وزيدي زوج ملاعق كبيرة ماء زيدي خلطي امممممم
http://sphotos-h.ak.fbcdn.net/hphotos-ak-ash4/404918_417719648302326_1226321434_n.jpg
جهزي سلاطة او خس وطماطم شرائح وقطه جبن وبطاطا مقلية


http://sphotos-f.ak.fbcdn.net/hphotos-ak-snc7/404918_417719651635659_1249034262_n.jpg


http://sphotos-d.ak.fbcdn.net/hphotos-ak-snc7/404918_417719654968992_1434328566_n.jpg


كي يبرد البانيني حليه بالسكين وحطي طبقة من البطاطا المقلية


http://sphotos-e.ak.fbcdn.net/hphotos-ak-prn1/555900_417721058302185_185714093_n.jpg
وفوقها طبقة من السلاطة وتعمدت نحطها في الوسط حتى ماتذبلش وقت التسخين و


http://sphotos-c.ak.fbcdn.net/hphotos-ak-ash3/555900_417721061635518_1540715762_n.jpg
ديري فوقها طبقة من الشاورما والصوص اللي فيها وفوقها قطع الجبن


http://sphotos-d.ak.fbcdn.net/hphotos-ak-ash3/555900_417721064968851_1683618144_n.jpg
زووووووووم


http://sphotos-f.ak.fbcdn.net/hphotos-ak-prn1/555900_417721068302184_1145760354_n.jpg
اغلقي الساندويتش بلطف وحطيه في الآلة الخاصة بيه حتى يتحمص ويتكومبونصا


http://sphotos-b.ak.fbcdn.net/hphotos-ak-prn1/555900_417721074968850_584798277_n.jpg


وهدا شكلو امممممممممممممممممممممم


http://sphotos-c.ak.fbcdn.net/hphotos-ak-prn1/480482_417724091635215_1306027937_n.jpg


http://sphotos-e.ak.fbcdn.net/hphotos-ak-ash4/480482_417724094968548_707279819_n.jpg


http://sphotos-f.ak.fbcdn.net/hphotos-ak-snc7/580449_417727501634874_2014358183_n.jpg


http://sphotos-d.ak.fbcdn.net/hphotos-ak-ash3/580449_417727504968207_1485279479_n.jpg


واللي ماعندهاش لاماشين آ بانيني نوريلكم طريقة اخرى ماتخافوش مانخليكمش بسخفتكم
الخبز خليه يزيد يتحمر شوية يعني ماتطيبيهش على بياض هكدا


http://sphotos-h.ak.fbcdn.net/hphotos-ak-ash3/480482_417724098301881_1682416256_n.jpg
وكي تحشيه غلفيه مليح بورق الالمنيوم


http://sphotos-b.ak.fbcdn.net/hphotos-ak-ash4/480482_417724101635214_556916402_n.jpg
سخني مليح الحداد او الحديد او المكواة اللي نكويو بيها الملابس =لوفار آروباسي= وفوتيها فوق هداك السندويتش المفلف بالالمنيوم حتى تحسي انو رجع رقيق راح تتحصلي على نتيجة هايلة الفرق الوحيد انو مايكونش فيها خطوط نتاع الشواية


وقدميها
جربوه وراح يعجبكم بزاف بزاف
والحشو انتوما اتحكمو في كميتو انا مليت الساندويتشات

ملاحظة المقادير اللي اعطيتهالكم تخرجلكم 4 حبات بانيني كيما اللي في الصورة


وفي الاخير نتمنى يكون عجبكم وقولولي رايكم وراني نستنى تطبيقكم





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©