**.. طبق رمضاني + اسهل تارت اناناس ..

[salima]

السلام عليكم
رمضانكم كريم شوفو حبابتي راني وجدت كيفياتكم قلت مافيهاش رمضان ان شاء الله كل مرة نجرب حاجة مي حبيت تاني نفيدكم و جبتلكم قراتان بالبطاطا مقلية و المعدنوس و تارت بالاناناس
** و نبداو بالقراتا
قلي اللحم مرحي حوالي 300 غ حسب واش تحتاجي-حجم البلا - في مقلاة مع بصلة صغيرة مقطعة رقيق و ملعقة زيت او زبدة قليه ثم ضفيلو مع كمية مليحة من المعدنوس مقطعة رقيق و الملح و الفلفل اسود عاى نار قليلة و خليها حتى تطيب
من جهة اخرى قطعي البطاطا مكعبات صغيرة و اقليها
ضربي البيض ضفي خلطي البطاطا + شوية معدنوس + اللحم مرحي + فورماج مرحي + شوية خبز مرحي - شابلير- + نصف ملعقة خميرة كيميائية
ادهني المول بالزبدة و قطعي 2 بيض مغليين بشكل دائري و ضعيها في المول ثم افرغي الخليط و اطهيه و اقلبيه و زينت بالمعدنوس من الفوق

http://im33.gulfup.com/wdpdC.jpg


** تارت بالاناناس
3 بيض , 3 ملاعق سكر عادي , 3 ملاعق اكل زبدة ذايبة باردة , 1 فاني , 1 خميرة كيميائية , كأس فرينة كبير , علبة أناناس نتاع رطل
كراميل
الطريقة : نحضرو الكراميل على جهة
نطلع البيض بالباتور , نضيف السكر + فاني و نضرب مليح نضيف الزبدة ثم الفرينة فيها الخميرة الكيميائية
نأخذ قالب الفرن و ندهنه بقطعة زبدة و نصب فوقه الكراميل و نوزع شرائح الاناناس و نصب العجينة و نطهوها في الفرن
بعدما تخرجيها اسقيها بشراب الاناناس اللي في العلبة و اقلبيها في صحن التقديم

http://im33.gulfup.com/YJ2q4.jpg


و نقلكم صح فطوركم و نتلاقو في الحلقة القادمة نقلكم واش طيبت من عندي و واش جربت من عندكمhttp://www.dzbatna.com/images/smilies/1.gif


http://www.dzbatna.com/images/smilies/rolleyes.gif يا ترى شكون الفحلة اللي راح تجرب خاصة اللي يحب الاناناس ما يترددش في التارت راهي هايلة ...http://www.dzbatna.com/images/smilies/rolleyes.gif

و أكيد و كالعادة و لأني أحبكم في الله نستنى منكم دعوة الخير في هذا الشهر الفضيل و لكم بالمثل باذنه تعالى
ســــــــــــــــــلام

http://im33.gulfup.com/TBVce.jpg



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©