شوفي واش يصرى كي تلعبي بالعجين ههههه

[salima]

http://up.dzbatna.info/uploads/13466273241.gif



الوصفة (جزائرية) 11


صباح الخير عليكم كاااااامل
ساعات ساعات يبدا راسي يخرف ، قالي واش تقولي كون نديرو حاجة جديدة واحد مادارها ، هاذوك العضوات نتاع المنتدى دوخونا ما خلاو حتى حاجة نخلعوهم بيها ، قلت هات واش عندك دبر عليا ، قالي واش تقولي كون تقلي المطلوع قتلو آآآآو هذي خشينة شوية ، قالي واش فيها بالاك جيبي حاجة بومبة هههه ، أنا نقولو ياراجل هني روحك وهو يقلي والو جربي ماعندك ما خسرت ، قداش من يوم وحنا هكذا غلبني البارح قلت نجربها بالاك يسكت علي .

* مكونات العجين : 250غ سميد رطب + 100 غ فرينة+1 ملعقة كبيرة سكر + 1 ملعقة كبيرة خميرة+ملح + ملعقة كبيرة زيت + ماء دافئ ، شوفو واش درت بنفس العجين :

1- مطلوع عادي أو مطلوع محشي ( فكرة أم رامي ) أو مطلوع الشحمة ، راني حطيت الوصفة (جزائرية) من قبل :
http://www.up.dzbatna.info/uploads/13606547422233.jpg

2- بطبوط : بعد ما نتحصل على العجين ( بدون تخمار ) نرش الطاولة بشوية فرينة و نطرحها بالحلال و نقص دوائر بالكاس أو حاجة أكبر منو ( أنا قصيت بسكرية نتاع بكري وزمان لقيتها مخبية بلافايدة هههه ) ، نحط الدوائر فوق منديل و نغطيهم ونخليهم يخمرو و من بعد نسخن مقلاة على نار من التعليم المتوسطة و نطيبهم على الجيهتين :
http://www.up.dzbatna.info/uploads/136136148356052.jpg
http://www.up.dzbatna.info/uploads/136136148350571.jpg
شوفو من داخل فارغة :
http://www.up.dzbatna.info/uploads/136143857213211.jpg
و هنا حشيتهم بطاطا مقلية باتي دجاج و زيتون أخضر و جبن و مايوناز و طماطم:
http://www.up.dzbatna.info/uploads/136143857217942.jpg

3- بطبوط مقلي : بنفس الطريقة حضرت البطبوط ( ولكن العجين رقيقة أكثر ) و حطيت حشو وغطيتها بدائرة أخرى و قفلت الأطراف مليح و خليتها تخمر و قليتها .
http://www.up.dzbatna.info/uploads/136143916010431.jpg
http://www.up.dzbatna.info/uploads/136143916014552.jpg
شوفو فارغين من داخل :
http://www.up.dzbatna.info/uploads/136143916017983.jpg

4- بانيي : بنفس طريقة البطبوط المقلي درت بانيي ، حشيتو بالمربى وحبة حشيتها عسل و خمرتهم و قليتهم و رمدتهم في السكر ( من الأحسن سكر رطب )
هههه جربت 2 حبات وكليتهم نسيت نصورهم http://www.dzbatna.com/images/smilies/biggrin.gif ، على العموم نفس النتيجة نتاع البطبوط المقلي .

5- دونات : نفس الطريقة درت دوائر رقاق و ثقبتهم في الوسط بالبوشون نتاع قرعة سعيدة صغيرة .
http://www.up.dzbatna.info/uploads/136143977929181.jpg

6- كرواسون : هنا بدا التخلاط نتاع الصح http://www.dzbatna.com/images/smilies/biggrin.gif ، خدمت كرواسون بنفس الطريقة نتاع وصفة (جزائرية) الكرواسون و شكلتو ودهنتو وخمرتو و طيبتو في الفرن و دهنتو من فوق بالعسل و حمرتو من فوق
http://www.up.dzbatna.info/uploads/136143977934082.jpg
هنا الشكل راهو كرواسون بصح الطعم خبز ههههه ، بصراحة ما عجبنيش ، جربت حوايج أخرين بصح ما عجبتنيش النتيجة http://www.dzbatna.com/images/smilies/mad.gif

قولولي http://www.dzbatna.com/images/smilies/mad.gif أنتم ثاني يخلط عليكم راسكم هكذا ؟



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©