ما تغليوش الزيتون راح يفقد قيمتو

[walid]

اخواتي العزيزات ما زلت نسمع بلي كاين ناس بزاف لاما يحبو يستعملو الزيتون يغليوه 3 مرات حتى يفقد الملح تاعو وهنا للاسف يفقد حتى القيمة الغذائية تاعو في كل غلية ترميها
وهنا نقولك ما عليك غير تغسليه مليح وتنقيه من الشوائب ومن بعدها حطيه في ماء غزير وغطيه بحاجة وخليه يبات اذا تحبيه للغد او اعمليه الصباح للمساء اذا بغيتي تستعمليه في الليل مثل ما نستعملو البقوليات نشمخوهم في الماء يباتو
وفي الغد استعمليه مباشرة تلقاي بنتو تجيك روعة والملح موزوووون جدا وحتى اذا كانت نوعية الزيتون مر شوي راح تزول المرارة مع الماء الي بات فيه
نصيحتي ليكم حتى تستفادو من القيمة الغذائية العالية للزيتون



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©