خبزة المرقاز هشووشة و حارة و تليق مع هذا البرد

[walid]

http://im31.gulfup.com/OY82u.gif

السلام عليكم و رحمة الله و بركاااااته

هذا أول موضوع لي في القسم و إن شاء الله ينال إعجابكم لأنه فعلا لذيذ
هو عبارة عن خبزة المرقاز خبزة بعجينة كلمة تحفة شوي عليها
نخليكم مع مقادير العجينة : 3 كيلات سميد أرطب + مغرفة كبيرة زبدة + الخميرة الفورية + الملح + 3 بيضات كبار و نبل بالماء الدافيء و نعجن و تكون العجينة متماسكة لا طرية و لا يابسة نقسمها و نكورها كرات أكبر من حبة البيض و نغطيها بساشي و فوطة نظيفة و نتركها تختمر
http://im33.gulfup.com/fP6L4.jpg

سامحوني ما صورتش المقادير لأنه ماجاش في بالي نديرها موضوع
في هذا الوقت نوجد الحشو : في مقلاة نحط 3 حبات بصل من التعليم المتوسطين و مقطعين رقيق + 2 قرون فلفل حار + حبة طماطم كبيرة + رطل مرقاز نعصر اللحم فقطو نرمي المصران نتاعه + مغرفة كبيرة زيت + نص مغرفة ثوم + نص مغرفة فاح + الفلفل الأكحل +الملح و نحطهم فوق النار يطيبوا
http://im33.gulfup.com/6Ym6u.jpg

و كي نشوفها قربت تطيب نظيفلها مغرفة كبيرة معجون الطماطم + نص مغرفة هريسة و الحشيش مقطف
http://im33.gulfup.com/8Wxw5.jpg
و نرجعها شوي برك فوق النار و خلاص نطفي عليها و نتركها تبرد جانبا
http://im33.gulfup.com/JZyaG.jpg

نحضر فلفل طرشي و نقطعه دواور و نحطه في صحنة لأننا راح نحتاجوه من بعد
http://im33.gulfup.com/ulbCd.jpg

الآن نحطوا الطاجين فوق النار و نبدأ نبسط الكويرة الأولى طبعا تكون المايدة مرشوشة بالزيت و نضربها رقيقة و نغطيها بشوي من الحشو و نرشها بشوي من الطرشي و ندهن حوافها بالبيض
http://im33.gulfup.com/zXHRh.jpg
و نغطيها بقرصة أخرى نكونوا بسطناها من قبل
http://im33.gulfup.com/CPX7p.jpg
و نرشوا الطاجين بالزيت و نرموا الخبزة نتاعنا
ماراحش تاخذ وقت كبير في الطياب
http://im33.gulfup.com/e1xsb.jpg
و من بعد تقسموها على 4 و شهية طيبة

http://im33.gulfup.com/7sRge.jpg
http://im33.gulfup.com/385T7.jpg
و إن شاء الله تجربوها و تعجبكم على ضمانتي





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©