جوزي يا أُخَــــــيَـــــة علاجالك طيبت ارنوبة مشوية ارنوبة مشوية

[said]

السلام عليكم و رحمة الله تعالى و بركاته
خُـياتي لحبابات حراير المنتدى وش راكم وش حالكم نتمنى انكم تكونو كامل بخير
بعد ما عجبكم الطبق البسكري التقليدي و زيد ربي يبارك فيكم ما بخلتونيش بالتشجيع راني قلت نحطلكم طبق تقليدي و لكن بتعديلات صغيرة

http://im33.gulfup.com/UVVS2.jpg (http://www.gulfup.com/?m0IY4S)

و ما يميز هاد الطبق انه خفيف على الأكلة الي سبقت
ياله نشمرو على يدينا و نقولو بسم الله
شوفو وش شراولي اليوم


http://im33.gulfup.com/vOwp1.jpg (http://www.gulfup.com/?1uCGf5)

يا ربي يا ربي وشحال زينة و حلوة و ......................... امممممممممممممممممممم بنينة http://www.dzbatna.com/images/smilies/3.gif

و تالمون الأفكار الشريرة الي في مخي ماحبتش تخطيني شوفو وش درت

http://im33.gulfup.com/h54J3.jpg (http://www.gulfup.com/?w4N64G)

و زدت وجدت حشوة بالضبط تشبه لكويرات الخضر لأم رامي زدت عليهم شوية روز برك


http://im33.gulfup.com/3iuC4.jpg (http://www.gulfup.com/?q18yDf)

و حشيتها و فرميتها باعواد الكوردون و لحتها في الكوكوت مع زوج بصل مقطعين خشان و عود كرافس و دبشة "قسبر" و معدنوش و سنينتين ثوم و ملح و خليتها تقريبا ساعة الا ربع
و لما خرجتها درتلها درسة بالطماطم و الثوم و الفلفل الأحمر الحار و شوية توابل و لحتها في الفور تتحمر
اما مرقتها فصفيتها و طيبت بيها روز بالشعرية

و هو يجي بكمشة فارميسال تقليها في شوية زبدة جهد ما تحمار و بعدين امرقيها بكيلتين ما "انا درتلها مرقة الأرنوبة" و لوحيلها كيلة روز و نقصي النار عليها تماما تقريبا ربع ساعة طيب و تلقايها عملت ثقوب و الروز طاب طريقة بنييييييييييينة و ساهلة و يقعد الروز حبة بحبة

هاداك هو تحمرت الأرنوبة و شوفو النتيجة

http://im33.gulfup.com/MMhs7.jpg (http://www.gulfup.com/?kb9jrm)

و هادي شوية سلاطة كعادة الجزائريين

http://im33.gulfup.com/rwRG5.jpg (http://www.gulfup.com/?ZJLK6y)


و شكون الي جات و زارتنا ليها هاد الطبق

http://im33.gulfup.com/WnIU6.jpg (http://www.gulfup.com/?2B3ePk)

هاه بربي قولولي خياتي مش هك خيرلها و خيرلي http://www.dzbatna.com/images/smilies/1.gif




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©