شوفو واش درت بالكرواسون المالح

[walid]

الوصفة (جزائرية) الخامسة



السلام عليكن أخواتي ، كيما تعرفو راهو الثلج مغطيها هنا في سطيف ، كل المحلات مغلقة ، البارح ما لقيت واش ندير للغداء ، تفكرت الكرواسون المالح اللي درتو ، كنت احتفظت بيه في الكونجيلاتور ، قلت نحضر وصفة (جزائرية) بيه كيما وعدتكم .

هذا رابط وصفة (جزائرية) الكرواسون : http://www.dzbatna.info/vb/showthread.php?t=1206332

أنا درت هذه المعجنات بعدة طرق ، كما قلت سابقا عندي العديد من الوصفات جزائرية بالكرواسون المالح .


الطريقة الأولى
:

المقادير :
* حبات كرواسون حسب عدد الأفراد
* جبن غرييار أو جبن أحمر أو شيدار مبشور ) حسب الذوق ، المهم يكون جبن اللي يذوب في الفرن ).
* جبن أبيض ( اختياري ، ممكن ما تحطيش و لكن إضافته للوصفة (جزائرية) تزيد في البنة )
* كاشير مرابي ( من الأحسن استعمال سلامي أو شاورما ، أنا كان عندي كاشر عادي استعملتو )
* مايونيز ( اختياري و يمكن الاستغناء عنه و إذا حطيتي حطي كمية قليييلة فقط باش ما تغطيش طعم المكونات الأخرى)
وهذا رابط وصفتي للمايونيز ، راهو خفييف : http://www.dzbatna.info/vb/showthread.php?t=1197567

http://www.up.dzbatna.info/uploads/136005100847281.jpg

الطريقة :
1- ممكن تحضري كمية من الكرواسون المالح و تحتفظي بيه في المجمد بعد ما يبرد مليح و لما تحبي تعملي هذي الوصفة (جزائرية) تخرجي فقط الكمية اللي رايحة تستعملي راهو التجميد نتاعو يزول بسرعة ( حوالي 30-45دقيقة ) . تفتحي الحبات من الجانب و تنقصي شوية من اللب باش يدخل الحشو فيها و تدهنيها بالمايونيز أو بالجبن الأبيض ( أنا حطيتهم في زوج و لكن كمية المايونيز قلييييلة ) .

2- تحطي طبقة مليحة من الكاشير و أخرى من الغرييار .

http://www.up.dzbatna.info/uploads/136005100862562.jpg

3- أغلقي الحبة و أدهني السطح العلوي بالبيشاميل و رشي فوقها الغرييار و حاولي ترصي الغرييار مليح بيدك باش ما يطيرش.

http://www.up.dzbatna.info/uploads/136005100875583.jpg


4- نحط حبات الكرواسون في صينية و إلى الفرن المسخن مسبقا حوالي 10 دقائق ( لازم تتأكدي أن الجبن الموجود بداخل حبات الكرواسون ذاب ) .

http://www.up.dzbatna.info/uploads/136005646941331.jpg

http://www.up.dzbatna.info/uploads/136005646959442.jpg

و هاهي بعد ما خرجت من الفرن و ذاب الجبن ، مقرمشة و لذيييييذة .
http://www.up.dzbatna.info/uploads/136005646976213.jpg
http://www.up.dzbatna.info/uploads/136005731796592.jpg

هذه المعجنات تقدم مباشرة للأكل ، يعني لما يجتمع الأهراد حول الطاولة تحطيها في الفرن و في 10دقائق أو أقل راهي توجد . إذا طولت رايح الجبن يبرد و ما يبقاش ذايب . ميزة هذه الوصفة (جزائرية) أنك ممكن توجديها بوقت و لما يجيوك الضياف مباشرة تسخنيها و تقدميها ساهلة و تحمر الوجه http://www.dzbatna.com/images/smilies/19.gif.


الطريقة الثانية
:

المقادير :
* حبات كرواسون حسب عدد الأفراد
* جبن غرييار أو جبن أحمر أو شيدار مرابي حسب الذوق ( المهم يكون جبن اللي يذوب في الفرن ).
* جبن أبيض ( اختياري ، ممكن ما تحطيش و لكن إضافته للوصفة (جزائرية) تزيد في البنة )
* زيتون مقطع شرائح ( اختياري )
* لحم مفروم
* معدنوس ( اختياري )
* ملح و فلفل أسود
* ثوم شرائح

الطريقة :

1- تفتحي الحبات من الجانب و تنقصي شوية من اللب باش يدخل الحشو فيها و تدهنيها بالجبن الأبيض .
2- نقلي اللحم المفروم مع الملح و الفلفل الأسود و الثوم و نضيف معدنوس و زيتون أخضر شرائح .

http://www.up.dzbatna.info/uploads/136005731781341.jpg

3- نحط طبقة من خليط اللحم المفروم و نزيد فوقها كمية مليحة من الجبن المبشور .
4- ندهن الحبات بالبيشاميل و نرش بالجبن المبشور و إلى الفرن .


الطريقة الثالثة
:

نفس الطريقة و لكن نعوض اللحم المفروم بالتونة أو السردين المعلب أو ممكن نقلي شوية كروفات بالزبدة و نحط شوية خيار مخلل أو كابر مكان الزيتون شرائح .


الطريقة الرابعة
:

ممكن نحط من الداخل فقط شريحة من الجبن الأحمر أو جبن الغرييار و نزينها من فوق بالجبن المبشور و إلى الفرن .

أنا تقريبا جربت هذي الوصفة (جزائرية) بكل هذه الطرق و النتيجة روعة http://www.dzbatna.com/images/smilies/19.gif.

أتمنى جربوها و تعجبكم http://www.dzbatna.com/images/smilies/mh31.gif




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©