شكشوكه من المطبخ جزائري الجزائري...بطريقه جديده..

[linnou]

السلام عليكم يا البنات...
متضحكوش عليا علبالي بلي راهي شكشوكه برك لكن والله كون تجربوها كما انطيبها انا (خاطر الدوزين اطيب في الكوكوت مش في المقلى)غير تعودوا ديما طيبوها...
هي تعجبني خاطر تجي ناشفه
نخليكم مع الصورة والطريقة كالاتي:
1- نقشر البطاطا ونقطعها على شكل دوائر باحجام شوي كبيرة ونغليها في الزيت ونقطرها ....وضعيها على جنب.
2- في اناء (كيكوت) قطعي البصل على شكل دوائر كبيرة (بمعنى خشينة شوي) اضيفي لها فلفل حار مقطع دوائر كذلك وايضا فلفل حلو مقطع دوائر الى جانب فصوص من الثوم (نكرفشه) + حبات طماطم مكرفشه ايضا (على حساب واش تحبي وايضا حسب افراد عائلتك)+ ملح+ورقة رند+ زيت+نصف ملعقة طماطم مصبرة +كزبر ...........ضعيهم على النار (يتكتكو) مع شوي زيت ...ثم اضيفي كاس من الماء (انا عادة استعمل كاس اينوكس) ...اغلقي الكيكوت مدة 3 او 4 دقائق فقط وراقبيها متغفليش عليها (لان الماء راه قليل)...افتحيها تلقاي لاصوص نشفت اضيفي لها البطاطا المقلية...
ضعيها في الصحن وزينيها الا حبيتي ..
وبالصحة والهناء عليكم

http://im18.gulfup.com/2014-07-11/134201484121.jpg (http://www.gulfup.com/show/X251kb6unl7k0s)

شكرا لكم http://www.dzbatna.com/images/smilies/mh31.gifhttp://www.dzbatna.com/images/smilies/mh31.gif





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©