شحشوخة الظفر بالشرح مفصل و الصور

[linnou]

السلام و رحمة الله و بركاته



اليوم و نظرا لطلب بعض الاخوات هده شرح مفصل طريقة تحضير عجينة شخشوخة الظفر بالشرح مفصل و الصور



نبدا بسم الله .نضع في قصعة السميد و من الاحسن رقيق و باش يجيكم مليح شوفي نوعية مليحة متلا انا نستعمل موليكس

او بن عمر حطي قليلا من الملح ماتكتريش و هادا لان المرق يكون فيه الملح ادا كترتي في العجين تجيك مالحة بزاف راح اللحم يجي مسوس و صامط اعجني مع اضافة الماء تدريجيا ما لازمش تكون طرية باش ما تتعبيش عندما تحليها بالحلال لازم تعجنيها مليح بصح تبقى ناشفة ديريها كرات صغار غطيهم بمنديل




http://hh7.net/Sep/hh7.net_13165993051.jpg (http://hh7.net/)

حليها رقيقة

http://hh7.net/Sep/hh7.net_13165993052.jpg (http://hh7.net/)


حطيها تطيب في الطاجين انا نستعمل تاع المطلوع نقسي في النار باش ما تتحرقش لازم تنشف برك تكون شفافة ادا طيبتيها بزاف تدير بقع و تتحرق
http://hh7.net/Sep/hh7.net_13165993053.jpg (http://hh7.net/)

http://hh7.net/Sep/hh7.net_13165993054.jpg (http://hh7.net/)


اقسميها و حطيها في قطعة قماش الاحسن لونها ابيض لما تبرد ضعيها في كيس نيلون و ضعيه في التلاجة باش ما تيبسش ادا كانت الكمية كبيرة

http://hh7.net/Sep/hh7.net_13165993055.jpg (http://hh7.net/)


فتتيها بالظفر و لازم تكون رقيقة في التفتات كيما في الصورة

http://hh7.net/Sep/hh7.net_13165995961.jpg (http://hh7.net/)



و ادا حبيتي ديريها بالسكين قطعيها شرائط رفيعة و لميها مع بعض على شكل حزمة و قطعيها مربعات صغيرة جداااااااا

كيما في الصور

http://hh7.net/Sep/hh7.net_13165995962.jpg (http://hh7.net/)


http://hh7.net/Sep/hh7.net_13165995963.jpg (http://hh7.net/)


http://hh7.net/Sep/hh7.net_13165995964.jpg (http://hh7.net/)

http://hh7.net/Sep/hh7.net_13165995965.jpg (http://hh7.net/)




ملاحظة. حنا عندنا المراة لي تفتتها رقيقة خلاص هي الفحلة هههههههههههههههههههه
ان شاء الله يكون الشرح مفصل واضح

في انتظار ردودكم
سلاااااااااااااااااااااااااااااااااااااااااااااااا ااام



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©