درت تورت باللحم هااايلة

[romaissa]

اليوم درت تورت باللحم والسلق جااات وش نقوللكم بنيينة يااسر
قليت البصل والطماطم والسلق واللحم مرحي ودرت زيت والفلفل اكحل والملح
درت كريمة الفرماج تعلمتها من عند اختي ام رامي للطبخ جزائري ربي يحفضها: عضمة وكاس حليب و زوج مغارف ونص نشاء وخلطهم بالمضرب اليدوي وزدت شوية ملح وفلفل اكحل وحطيتهم فوق النار زدت كاس حليب كي تخثار ارمي فيها 5 فرماجات وخلطي بسرعة بالمضرب ولا الباتور تتحصلي على كريمة سائلة بنيييييييينة
درت العجينة فرينة وبسستها بالزيت عينك ميزانك وملح ولميتها بالماء عجنتها شوية برك باه تتلم العجينة وقرصتها رقيقة وحطيتها في سنيوة مدورة
حطي الخليط تع اللحم وسط السنيوة وفرغي فوقو كريمة الفرماج وبسطيها على كل السنيوة وحضري طبقة اخرى من العجينة تكون رقيقة وحطيها من الفوق وادهنيها بعضمة وبصحتكم جاتني هااايلة نتمنى تجربوها
http://a4.sphotos.ak.fbcdn.net/hphotos-ak-ash4/373875_352145601532490_1655554206_n.jpg



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©