لفائف الباذنجال .............دخلي

[loulou ange]

لسلام عليكم ورحمة الله تعالى وبركاته

صح رمضان حبيباتي هادا اول موضوع ليا في اقسام الطبخ جزائري وهو غراتان الباذنجال

يلا نبدى
المقادير

حبات باذنجال
طماطم انتاع الحب
حبات بطاطا
حبات زيتون الخضراء
شوية انتاع لحم البوراك
ثوم ملح فلفل اسود كمون قصبر
فرماج
حبات بيض
طماطم معجون
كيفية التحضير
نسلقو البطاطا في الماء المملح ونخرجوها ونطحنوها ونبلوها بشوية حليب وشوية زبدة ونطحنوها ونتبلوها بالملح والفلفل الاسود

نزيدو ليها الزيتون المقطع رقيق وشوية اللحمو الفرماج و نزيدو نطحنو باش تتجانس النكهات ونخليوها على جنب

نقلي الباذنجان المقطع طوليا في الزيت والملح والفلفل الاسود

نطيبو صوص طماط نرابو بصلة صغيرة ونزيدو نرابو طماطيشة ونزيدو شوية فلفل احمر ونقليوه مليح مليح ونزيدو الماء وطماطم المعجون والثوم والملح والكمون والفلفل الاسود

نجيبو شريحة الباذنجال ونحطو شوية بطاطا على الطرف و نلفوها ونكمل مع باقي الحبات

نجيبو بلاطو انتاع الفور نصب فيه شوية صوص طماط في القاع ونرص اللفائف

ونصبو فوقهم صوص طماط ونضربو حبات بيض ونضبو فوق اللفاءف

وندخلوه للفرن حتى ينشف ونخليكم مع الصور

http://up.dzbatna.info/uploads/13438270851.jpg
هنا درت صوص
http://up.dzbatna.info/uploads/13438272561.jpg
]
http://up.dzbatna.info/uploads/13438273621.jpg
هنا بعد ما ضفت البيض
http://up.dzbatna.info/uploads/13438274001.jpg
شوفو النتيجة واوووووووووووووو
http://up.dzbatna.info/uploads/13438274351.jpg

http://up.dzbatna.info/uploads/13438275121.jpg
زوووووووووووووم

http://up.dzbatna.info/uploads/13438275911.jpg


ملاحظات

اولا انا اعلم اني صغيرة في السن مقارنة بكم ولكن صدقوني اني دخلت المطبخ جزائري منذ ان كان عمري 11 سنة
ثانيا لم اكتب عدد الحبات لان كل عائلة على حسب افرادها
رابعا اتمنى ان تجربوها وتردو ليا الخبر
خامسا عندما جربتها لاول مرة لم اضع الزيتو و اللحم ولكن البارح كان باقي شوية اللحم من البوراك وشوية الزيتون من الطاجين فقلت خليني نزيدهم ونشوف وكانت النتيجة مدهشة
كرات البطاطا الي فلووسط مدرتلهمش البادنجال باسكو خاوتي صغار ميحبوهش

وكل الشكر موصول لام رامي للطبخ جزائري لعزيزة على موضوعها حول تحميل الصور
وا
تمنى ان ارى كثير من الردود لاتشجع واضع باقي الاطباق

دمتم في رعاية الله وحفظه صح فطوركم
اتمنى ان تعجبكم




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©