طبق الحبات

[salima]

http://www.dzbatna.com/images/smilies/dj_17.gif السلام عليكم
هذا اول موضوع ليا في هذا القسم وان شاء الله يعجيكم وهو الحبات وكليتو عند جارتي من توقرت واعجبني بزاف وجربتو واعجب عائلتي ثاني وبلا مانطول عليكم نبدا باسم الله
المقـــــــــادير /
02 حبات طماطم كبار ( الكمية على حسب عدد افراد العائلة )
مغرفة كبيرة معجون الطماطم
بصلة كبيرة
فلفل حار
02 سنات ثوم ( اختياري )
التوابل اللي عندك كزبرة بابريكا فلفل اسود راس الحانوت كمون ملح
زيت
حمص طايب
02 حبات بطاطا من التعليم المتوسطة
02 حبات جزر
02 بيض
01 القرعة
تفتلي البركوكس وما يكونش خشين (من التعليم المتوسط ) تفوريه 03 مرات وفي المرة الاخيرة ديري شوية زيت مع الماء باش ما يتلاصقش وملحيه شوية
الطــــــريقة /
تسخني الزيت وتحطي فيها البصل المقطع الى قطع صغيرة ثم الثوم ثم اضيفي التوابل اللي عندك وكي يتقلاو مليح زيدي الفلفل الحارو الطماطم تكوني ارحتيهم ثم معجون الطماطم و الحمص ونقصي النار خليهم يطيبو بشوية حوالي 10 دالى 15 د
الخضرة اللي عندك تقشريها وتقطعيها في الطول وتتبليها بالملح والفلفل الاسود وتفوريها امبعد تحمريها في الزيت ولا الزبدة
في الاخير
البركوكس طايب تحطيه في صحن كبير ولا قصعة وتحطي عليه لاصوص اللي درتيه وتخلطيهم مليح بالمغرفة وتحطي في صحن التقديم وتزينيه بالخضرة والبيض المشرشم والفلفل المرقد اذا عندك
ان شاء الله يعجبكم
تحياتي

http://www.dzbatna.info/vb/images/icons/17.gif http://www.dzbatna.info/vb/images/icons/17.gifhttp://www.dzbatna.info/vb/images/icons/17.gif








https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©