خبز الدار والله ما في اروع منو

[linnou]

المقادير 2كيسان دقيق 2كيسان فرينة 2و نصف مغرفة خميرة الخبز 1مغرفة سكر 2بيضات ملح ثلث كاس زيت كاس و نصف حليب كانديا التحضير خلطي الدقيق و الفرينة و السكر و الخميرة الفورية الرقيقة انا دايما نستعملها و النتيجة ديما روعة و من بعد زيدي الزيت و من جهة اخرى خلطي البيض و الحليب السخون و صبي بالشوي على الدقيق و ادا شفتي الدقيق نتاعك يشرب زيدي الحليب و اعجني مليح المهم تتحصلي على عجينة طرية خليها تخمر حوالي ربع ساعة و ادهني المول نتاعك بالزبدة و اطرحي فيه العجينة و خليها تخمر انا نغطي العجينة الفيلم اليمونتير وكي تخمر ندهنها بصفار البيض و الحليب وحطيها تطيب و بالصحة و الراحة جربوها وعلى بالي ما تندموش و الليلة انشا الله نديرو في العشاء و نحطلكم les photos



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©