سوفلي رمضان بنين وخفيف في بلاصة البوراك بالصور ,,,, سموا بالله و تفضلوا

[said]

السلام عليكم و رحمه الله نعالي و بركاته

و بعد الصلاه و السلام عل سيدنا محمد و بعد صح رمضانكم و عيدكم ان شاء الله



اليوم نقدملكم سوفلي محشي لحم مرحي مداوية


انا منحبش البوراك بزاف و الا كليتوا لازمني نشيحوا مللليح مليح من الزيت http://www.dzbatna.com/images/smilies/1.gif المشكل نتاعي اكل في الزيت http://www.dzbatna.com/images/smilies/confused.gif


امالا حليت عمي قوقل و منتدانا و قريت كل شئ علي السوفلي اخذت من كل بستان وردة

و نشكر كامل الي جيت منهم معلومات ليهم فضل كبير

و قررت ندير هادي الوصفة (جزائرية) و نحطهالكم للافادة لانها جاتني خفيفة و دوب في الفم اممممممممممم





العجينة الكمية هادي دير 12 وحدو بصح انا درتهملهم كبار كبار
1,5 كأس حليب دافئ
نص كاس زيت ناقص " ز فيه مغرف زيت زيتون "
ملح و سكر
مغرف خميرة الخبز
1 خميرة كيميائية
فرينة " نقريبا بين 3 و 4 كيسان انتي تقدري تزيدي ولا تنقصي عينك هي ميزانك " و الفرينة لازم نكون منخوله


التحضير

نصع الحليب الدافئ + نص كاس زيت +الملح السكر + مغرف و نص خميرة الخبز +وحدة خميرة كيميائيه

و نخلط جيدا حتي يتجانس الخليط 2 الي 4 دقائق متل الصورة

http://www8.0zz0.com/2014/08/03/16/239625810.jpg

و بعدها نبدأ باضافة الفرينة و الخلط بالفرشات كأس وانا لما نحطو ننخلوا و نخلط تم نزيد كاس حتي نكمل 4,5
يمكن هنا بعد 2 كيسان فرينة و هذ هو الكاس الي نكيل بيه

http://www8.0zz0.com/2014/08/03/16/111728866.jpg

تولي عجينة طرية و خفيفة كي نمسها و يمكن تلصق شوية في اليد شوية برك لا عليكي كي تخمر تولي مليحة " كيما الشريك "

http://www8.0zz0.com/2014/08/03/16/611936811.jpg

نخطيها و نتركها ترتاح مدة ساعة الي 2

هنا بعد نصف ساعة
http://www8.0zz0.com/2014/08/03/17/175309366.jpg


و نتركها و نوجدوا الحشو نتاعنا
حبة بصل مع شوية زيت و زيت زيتون نقليها مليح و محط اللحم المفروم الملح قلقل اسود و كي يطيب نزيدلهم حبة طماطم مرحية او 2 حسب الكمية
و كي يطيبوا نزيدلهم الدبشة و الفطر و مخليهم



http://www8.0zz0.com/2014/08/03/17/309529743.jpg
http://www8.0zz0.com/2014/08/03/17/190128822.jpg

الان العجينة كيما شفناها حجمها دوبلا نفرغ الهواء منها و اي تولي صغير كيما الاول نقسمها ل 2 عجينات و نطرح الاولي في مكان مرشوش بالقرينة جيدا و حتي الحلال رشيه بالفرينة لانوا يلسقلك
و ديريها بسمك 5مم الي 4 ملم و قطعي دوائر " ب لي سوكوب نتاع غرفية الحليب الكبيرة http://www.dzbatna.com/images/smilies/1.gif الي تحبهم صغار لها الاختيار http://www.dzbatna.com/images/smilies/19.gif

و ندهن جوانب الدائرة ب بياض البيض و نحط الحشو و فرماج

ونقفل مليح باصابعنا او بالاحري برؤوس الاصابع

و قبل ماندخلها طيب نديرلها صفار اليبض +مغرق كبير قهوة باه تحمارلك من فوق مليح

و هاهي واجدة
http://www8.0zz0.com/2014/08/03/20/525593891.jpg

http://www8.0zz0.com/2014/08/03/20/849394760.jpg
كاينة صور ناقصة من بعد نحطها خويا دالي تيليفون


لا تنسونا من دعوة خير في هاته الايام المباركة العشر الاواخر و شكرا



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©