صنع منزلي لجبنة بوك و فيلادلفيا

[salima]

شوفو يا الفحلات هذه الوصفة (جزائرية) نتاع الفروماج و من اليوم ما عادش تسخفو على جبنة بوك الغالية
راهي باطة صغيرة دير 200دينار ما تكفيش عايلة انا لا شريتها ياكلوها ولادي في دقيقة راني عارفة كثرت الهدرة
المفيد: لتر و نصف حليب, ربع كاس عصير ليمون, 2 قطع جبن انا استعملت مربعات كيري, ملح, 2 ملاعق اكل زبدة
http://www.up.dzbatna.info/uploads/13690671636921.jpg (http://www.up.dzbatna.info/)
ضعي الحليب على النار حتى يفيض , طفي على النار ثم صبي عليه الليمون و خليه يرتاك ربع ساعة
بعدها صفيه و اعصريه ثم ضعيه في الخلاط مع الزبدة و قطع الفروماج مع شوية ملح حذاري تكثري منو يجيك مالح
و خلطي بالشوية انا استعملت الطاس كنت نديرو يخلط ثم نحرك بالملعقة لانه ثقيل حتى اصبح ارطب و كريمي
اضافة من عندي انا زدتلو 2 ملاعق ماء باش يجيني خفيف
http://www.up.dzbatna.info/uploads/136906730499781.jpg (http://www.up.dzbatna.info/)
راني هبطت نجري عند جارتي نذوقها لانو جاء هايل عندي شحال و انا نحوس على وصفة (جزائرية) كيما هذه
للامانة الوصفة (جزائرية) اخذتها البارح من احد المنتديات و جربتها اليوم ببصمتي الكمية تعمرلك علبة مايونيز صغيرة
http://www.up.dzbatna.info/uploads/136906787145121.jpg (http://www.up.dzbatna.info/)
http://www.up.dzbatna.info/uploads/1369067941641.jpg (http://www.up.dzbatna.info/)







https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©