اكسروا العادة بوراك بشكل جديد تفضلو

[said]

السلام عليكم
هذي يومين شفت موضوع للأخت nournour59 و الله يبارك عجبتني الفكرة
هي عملتها سلاطة لكن أنا طورتها شوي و عملتها مقبل بصراحة شكلها اعجب الكل و الأهم أنها مقرمشة و جميلة و طريقة جديدة

أنا خدمت بالطريقة نتاع الأخت قسمت حبة البوراك على 4 و لويت كل طرف على مول قصبة (أنا لم يتوفر لدي المول في ميزكم واش درت ؟؟؟ خدمت كورنيات وحدي بالألمنيوم (كيما يخدموهم لكوكاو لي يتباع برى نظن فهمتوني؟ )و لويت عليهم البوراك بسهولة ما تخافوش ) و لصقت الطرف الأخير بمزيج خاثر من الفرينة و الماء
و دخلتهم للفرن حتى تحمرو و خليتهم بردو شوي و نحيت الألمنيوم أو القالب بسهولة كذلك ماغبنونيش المهم تكوني حذرة

أما الحشو فالأخت دارت صفار بيض و مايونيز و ماييس أما أنا درت صفار 4 بيض و2 علب تونة الزيت و المايونيز و حكيت بياض 2بيض اللي بقالي و 2 الأخرين خليتهم و حكيت 2 طراف كاشير و خلطت كلش مع بعض، عمرت الحشو في الكورنيات مليح و بمغرف صغيرة مقلوبة كنت ندخل الحشو جيدا باه يجو معمرين للآخر و طليت الحاشية من الفوق بشوي حشو ممكن انتي تطلي بشوي مايونيز إذا مابقالاكش الحشو و أخيرا نمرر الكورني من الفوق و الحاشية في بياض 2 بيض محكوك اللي بقالنا من قبل
و ها هي الصورة
http://www.m5zn.com/img/?img=902fb4e0634a1d7.jpg (http://www.m5zn.com/out.php?code=902fb4e0634a1d7)]
http://www.m5zn.com/img/?img=1daf44d41ddf0ac.png (http://www.m5zn.com/out.php?code=1daf44d41ddf0ac)

و ها هو رابط الوصفة (جزائرية) الأصلية
http://www.dzbatna.info/vb/showthread.php?t=1048068
نتمنى تعجبكم الفكرة و تشجعوها و الشكر لصاحبة الفكرة الأولى



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©