* المعقودة على أصولها و بأسرارها *

[salima]

السلام عليكم
كاين بزاف ما تنجحلهمش المعقودة لكن بهاد الطريقة ان شاء الله بإذن الله تنجحلكم .
نحتاج أولا بطاطا مقطعة و مغلية مع شوية ملح كي اطيب نصفيها من الماء و نخليها حتى تبرد مليييييح مليييييييييح باش نرحيها لانو كون ترحيها و هي سخونة المعقود ما ينجحلكش
كي نرحوها ممكن بالفرشيطة و اداة يدوية مثل اللي فالصورة
بعدما نرحيها نضيفلها الهريسة انتي و شحال تحبي + ملح+معدنوس مقطع+فلفل أسود+ ثوم رابي و مخلطهم مع بعض .
في إناء ندير كمية من الفرينة ( الفرينة على حساب واش عندك كمية البطاطا)+ ماء + خمارة تاع الحلوة باكي + ملح و هادي الخلطة السرية اللي نغطس فيها المعقود لازم نوجدها الصباح كي انوض و نخليها تريح حتى لوقت الاستعمال و القوام تاعها يجي كيما الكريب .
نشكل خليط البطاطا على شكل معقودات و نغطسهم في خليط الفرينة و نقليهم في زيت سخون بعدما يحمارو نحطهم على ورق باش يتشرب الزيت قم نقدمهم مع ليمون و انا نفضلهم بالكاتشب ههه هي صح غريبة بصح القلب و واش يهوى .

نخليكم مع الصور
http://www9.0zz0.com/2014/06/03/09/363630240.png

http://www9.0zz0.com/2014/06/03/09/339904855.png


http://www9.0zz0.com/2014/06/03/09/125366291.png

http://store2.up-00.com/Apr13/iPu53873.png

http://store2.up-00.com/Apr13/ByQ53873.png

http://store2.up-00.com/Apr13/kTQ53873.png

http://store2.up-00.com/Apr13/zlI53873.jpg

لا تنسوني من صالح دعائكم








https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©