المساعد الشخصي الرقمي

مشاهدة النسخة كاملة : وصفة (جزائرية) قديمة جدا



romaissa
11-02-2013, بتوقيت غرينيتش 06:40 AM
بسم الله هذي اول مرة نحط فيها وصفة (جزائرية) قلت في نفسي واش انا غير نستفيد ما نفيدش .الكل جا و جاب معاه حويجة غير انا ما كان والو واش ندير واش ندير لازم ندير حاجة ما تعرفها لا ام رامي للطبخ جزائري و لا ام ماجد و لا ام........و لا الاخت الصوامعية و لا الوهرانية و لا ام ماجد http://www.dzbatna.com/images/smilies/biggrin.gif ما تزعفوش عليا راكم تغيروني بوصفات جزائريةكم اما الاخت فلة اكيد ما تسمعش بيهاhttp://www.dzbatna.com/images/smilies/redface.gif يعرفوها غير صحاب الشرق من منطقة تبسة الى تونس هذه الوصفة (جزائرية) تعلمتها من امي الله يرحمها في منطقة تبسة يسموها المسلي el mssélliو يصلح في الايام الباردة و غير الحراير لي يعملوه زمان لما كان الخير يديروه بكمياة كبيرة و خزنوه يبقى طول العام و حتى اكثر
المهم ما نطولش عليكم ....بما ان اللحم غالــــــــــــــــــــــــــــــي انا انديرو غير في العيد الكبير
نحتاجوا كميات من اللحم يعني لما تقطعوا خروف العيد راح تلقاو مورسووات فيهم اعظم و قليل من اللحم وزيدو كميات اللحم و لي متوفر و لي موجود قطعوهم قطع من التعليم المتوسطة ما لازمش تكون صغيرة باش ما تذوبش و الكمية كيما حبيتو حسب الموجود
نضيف لها تقريبا نفس الكمية تاع الشحمة نعم الشحمة انا عيني ميزاني لوحو ما تخافوش ولكن ما لازمش تكون كمية الشحمة اكثر بكثير من اللحم لان اصل البنة في اللحم ممممممممممممممم حطيه على نار هادية في طنجرة ثقيلة كوكوت مثلا وخلي الشحم يذوب شيئا فشيئا و حركي مرة على مرة و هذا العملية راح تاخذ منك وقت لذلك حطيها و اخدمي شغلك الباقي و ساعة على ساعة طلي عليه حذاري ما لازمش تضيفي الماء خلاص خلى غير الشحم يذوب خاصة اذا كان من النوعية الجيدة الخاص بمنطقة الكليتين راكم فهمتو في الوقت اللي يذوب فيه الشحم راه اللحم يطيب و انتي اضربيلوا طلة لما تشوفي بلي اللحم دخلو الطياب يعني ما بقالوش و يطيب جيبي كمية لاباس بها من الثوم rape زيدي التوابل الفافل الاسود و الفلفل الاحمر الحلو و الحار و الكسبر و الكروية وعينك ميزانك حسب الكمية دوزنيه مليح ما يصرالو والو اما الملح سيدتي ملحي وزاودي شوية يعني رايح يكون مالح شوية لانه مع الشحمة راح يكونو المواد الحافضة لهذه الوصفة (جزائرية) و لهذا يمكن يدوم طويلا لانو زمان ما عندهمش congelateur راح تلاحظي بلي ما درناش البصل لانو فيه الماء و الماء يخسرلي الوصفة (جزائرية) لاني راح نخبها للايام الباردة و تكملي حتى يطيب اللحم مليح وانتي تحركي باش ما يلصقش في الطنجرة لما يطيب سيدي ذوقي و شوفي اذا خاصها ملح اضيفي راه يجي مالح شوية بصح تقدري تاكليه ما دريهش مالح شط و اذا خصوا حراور اضيفي وانتي و شطارتك خليه يبرد و ما طوليش عليه لانه ارايح يجمد بسبب الشحم الى فيه
و اذا كاين بعض القطع الشحمية ما ذابتش نحيه يعني رايح يكون سائل و فيه قطع اللحم الى اصبح لونها بني تماما كي يبرد ضعيه على كميات صغيرة في المجمد يعني انا مثلا اضعه في اكياس المجمد بطريقة افقية ذات سمك 2 سم و لما نحب نستعملو نقص منو قطعة و نرجع الباقي .نشا الله تكونو فهمتوني.
الان استعمالاتو:
يستعملوه الحراير في العيش لما يطيب اظيفي كميو منه و حاولي دائما تاخذي كمية من الشحم +كمية من اللحم.
في المحجوبة.
بالنسبة لناس الشرق لي يطيبو الحلة ...وصفة (جزائرية) خاصة في رمضان ما تشيج بنينة بلا بيه و يستعملو كمية مليحة منو
اما حراير هذا الزمان يقدروا يطيبو بيه البيض في المقلة في مكان الزيت او الزبدة يستعملو قطعة منو لما تذوب يقليو البيض.............اتمنى اني افدتكم بمعلومة و ارجو من ناس تبسة و حرايرها ياكدو على استعمالاتو لاني ربما راني نسيت بعضها اما البنة لذيذ جدا



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©

استعمل مربع البحث في الاسفل لمزيد من المواضيع


سريع للبحث عن مواضيع في المنتدى