صنع علب خواتم من تصميمك ...

[ام بهاء]

صنع علب خواتم من تصميمك ...



بسم الله الرحمن الرحيم

السلام عليكم ورحمة الله وبركاته
كيفكم أن شاء الله تمام

هذا اول موضوع لي وان شاء الله يعجبكم

( عمل علبه صغيره للخاتم )

طبعا هذي الفكره ماهي من عندي
بس انا أضفت عليها ولما سويتها أعجبتني
وسويت منها تقريبا 4

اعذروني طولت بالكلام

الأغراض اللي تحتاجينها :
1/ كرتون << أي كرتون حتى لو انه كرتون بسكويت
2/ قماش << انا استخدمت الجوخ
3/ صمغ مسدس
4/ مقص
5/ قلم
6/ مسطره
7/ ابره وخيط
8/ اسفنجه << انا استخدمت اسفنجه حقت غسل الصحون هههه

هذي اللي تحتاجينها

الطريقة :

تقصي الكرتون 6 قطع صغيره ومتساويه
وتقصي القماش 6 قطع نفس عرض الكرتونه
أما الطول خليه طويل عشان تقدري تلفيها على الكرتونه

تجيبي الصمغ وتحطيه على الكرتونه من جهه وحده وتحطيها على القماش
عشان تثبت وتحطي الصمغ على الجهه الثانيه وتلفي القماش عليها
بحيث الكرتونه تكون مغطاه بالقماش وبعدين تقصي القماش الزائد
وتسوي هذي الطريقه على الكراتين الصغيره

وبعد ما تخلصي تجيبي الأبره والخيط
خيطي الكرتون اللي حطيتي عليه القماش

وتخيطيه على القاعدة من تحت يعني تجيبي 2 كرتون واحد القاعده والثاني تخيطيه عليه وتكملي عليه باقي الكراتين
بس بيبقى واحد قبل ما أقول وش تسوي فيه

بعد ما تخيطي الكرتون على بعض بيطلع لك شكل مربع

خيطي الكرتون اللي كان على جنب اللي لحاله فوق من جهه وحده
عشان تصير لك علبه

جيبي الاسفنجه وقصيها على كبر الكرتون عشان تقدري تدخليها في العلبه
وقصي القماش على كبر الاسفنجه من كل الجهات وصمغيهم في بعض وافتحيه من الوسط على مقاس الخاتم ودخليه داخل العلبه وحطي الخاتم في المكان اللي فتحتيه ...

وبكذا حصلتي على علبة خاتم
تقدري تزينيه بأي شي

وإذا تبين تسكري العلبه جيبي زرار وصمغيه في النص
وجيبي خيط وأبره وخيطي من فوق بس خلي الخيط نازل عشان تحطيه
على الزرار وقصيه وبكذا انتهيتي


أن شاء الله كان الشرح واضح وفهمتوا
وإذا احتجتوا أي استفسار خذوا راحتكم
وبرد على كل اسئلتكم

وان شاء الله اني أفدتكم
والسلام عليكم ورحمة الله وبركاته ...



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة