الملفوف بطريقة جديدة......للعيد

[salima]

سلام عليكم يالبنات كاش توجاد للعيد و لا والوhttp://www.dzbatna.com/images/smilies/1.gif
ليوم جبتلكم طريقة جديدة لتحضير الملفوف و هاد الوصفة (جزائرية) راهي مغربية و صارلي 3 سنين ملي نستعملها
شفتها في قناة مغربية و كامل نعرفو ان الطبخ جزائري المغربي ممتاااز
حنا في عوادنا الملفوف يحضره كبير الدار سواء الأب أو الأم بعد ما نملح الكبدة و نشويها فوق المجمر و نحطلهم كلشي قدامهم و هما عليهم غير يلفوه في الشحم...

الطريقة الجديدة هي........

نأخذ الكبدة و نظفها و نقطعها طوليا و نشويها فوق النار من غير ماتتنضج كليا حتى يسهل تقطيعها

http://im18.gulfup.com/Wgmo1.jpeg (http://www.gulfup.com/?C41TOg)

من بعد نقطعها الى مربعات على حساب الحجم لي تبغوه

http://im20.gulfup.com/IHek1.jpeg (http://www.gulfup.com/?6DJxrF)
و نحطها في صحن كبير و نسقيها بخليط نكون موجداته من
الزيت......الملح.......الفلفل الأكحل.......كمون.......الفلفل الأحمر....سنينات ثوم مرحي
و نخليها تتشرب الخليط علما أن الكبدة تجي ناشفة و هاد الخليط راح يطريها و مانحكيلكمش على البنة نتاعها هبااااال
نقطع الشحم ألى شرائح مستطيلة بعد مانغسله و نملحه و نشره

http://im21.gulfup.com/nrtD1.jpeg (http://www.gulfup.com/?6pNmsz)

نحكم كل قطعة كبدة و نلاحظ انها تشربت كامل الخليط و نلفها في الشحم
و نضعها في السفافد(الأسياخ) الخشبية و لا تاع الحديد

http://im16.gulfup.com/qeCr1.jpeg (http://www.gulfup.com/?QgJ4zV)

شووها فوق المجمر و ختموها بكأس تاي طايب على الجمرhttp://www.dzbatna.com/images/smilies/19.gif
بصحتكم و أعطوني رايكم

http://im19.gulfup.com/yHki1.jpeg (http://www.gulfup.com/?yxf1WT)








https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©