مساعدة لوجه الله...بخصوص العجينة المورقة

[salima]

مساء الخير عليكم
واش راكم مع العشر الاواخر من الشهر الكريم
نطلب من ربي القبول لينا وليكم ان شاء الله
كنت زعفانة منكم ماحبيتوش تساعدوني اخر مرة مانيش متفكرة على واه
وراني وليت اليوم وكلي امل في مساعدتكم ليا
اول مرة حبيت نجرب العجينة المورقة...حبيت نشريها واجدة باش مانتعبش فيها
المهم شريت 500 غ حبيت نجرب
مي عمري ماخدمت بيها حبيت نسقسي كيفاش
ماتقولوليش ادخلي هنا وشوفي هنا وهدا الموضوع يساعدك ووووووو
حبيت نتوما تساعدوني وتشرح مفصلولي
العجينة كانت فالمجمد و خردجتها مالبارح لليوم راهي جاهزة باش نخدم بيها
اللي حبين نفهمو هو كيفاش درك نحلها و نبسطها..يعني غير بالعقل بواسطة الحلال ولا شوية شوية ولا نبسطها عادي مايصرالها والو ولا كيفاش
وشحال سمكها؟؟؟؟؟؟؟ اوووووووووو كيفاش نطيبها
كاين قالولي في صينية الفرن ( احنا عدنا كوشة يعني كويزينيار نطيبو فيها مشي فور ) المهم قالولي فالصينية تاع الكوشة نشمخها بالما وانا مافهمتش كيفاش
وزيد الكوشة نطوعلها للفرن ولا انقصو ولا كيفاش
ساعدوني تعيشو حابة نجربها اليوم باذن الله




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©