هاذي طبخ جزائرية ليكم من عندي جربوها ومتندموشfor ever☺

[loulou ange]

الى اي صديقة في المنتدى او طاطا انا وحد المرة كنت وحدي في الدار وعندي المصروف من كلش وملقيتش واش ندير مالا هزيت التلفون وهدرت مع مامات صحبتي واعطاتني هادي الوصفة (جزائرية) وجربتها وهاي ليكم بصح الصور عن قريب نحطهم هي ساهلة وخفيفة
تحتاجي الى
-زبدة/7سنات ثوم/ورقة رند/1ملعقة كبيرة لاموطارد-1/2ملعقة كصبر مرحي-1/3ملعقة فلفل اكحل -1/3ملعقة فلفل احمر مرحي-طرف جاج على واش عندك بصح يكون في بالك اذا كان عندك جاجة لازم تضاعفي المقادير علبالك انا درت هاذوا المقادير على حساب نصف دجاجة
--نجيو كيفاش تبداي \\\\\\\\\\\
-تجيبي الكوكوطة نتاعك وتحطي فيها ملعقة كبيرة زبدة وتخليها تذوب على النار ومبعدضيفيلها مبشور كمية الثوم (6)مكرفجين +ورقة رند+ملعقة لاموطارد+الفلفل الاحمر+الاكحل+الكصبر المرحي +شوي ملح* وتخليهم يتكتكوا على نار هادئة وحركي ومبعد تشوفيها ولات صوص صغيرة حطي فيها طرافك نتاع الدجاج وخليهم يتكتكو معاها باش يطلق البنة لمدة 3دقائق فقط ومبعد كبي الماء على الدجاج حتى تشوفيه تغطي وحركي ومبعد اغلقي الكوكوطة نتاعك وديري الصفارة وقوي عليها النار شوي برك لمدة 40دقيقة
-من جهة اخرى اقلي شوي بطاطا
وبعد 40دقيقة تحلي كوكوطتك وشوفي اذا الجاج طاب ولا مازال اذا طاب ولاصوص نشفت خلاص واذا العكس زيدي اقفلي عنها وخليها طييب ونتي ثاني ابقاي شوفيها مش حتان تنشف وبعد كي طيب حطي طرف الجاج بجهة وديري شوي زبدة في المقلى وشعلي النار وحطي طرف الجاج وخليه يتحمر مليح وحطيه في الصحن وفرغي فوقو هاديك لاصوص ودوري عليها البطاطا
ياو شحال بنينة تهبل بصحتكم
☺☺☺☺☺☺☺☺
اختكم ليلى ♥




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©