وصفات جزائرية الاذاعات .. متجدد ان شاء الله .. وصفات جزائرية متنوعة ..ادخلن

[walid]

http://www9.0zz0.com/2014/05/31/04/771647660.gif


http://www.dzbatna.com/images/smilies/dj_17.gif
هذا الموضوع حبيت نديرو باه نستفادو منو كلنا و فيه راح يكون بإذن الله و صفات اعطاوها مقدمي حصص الطبخ جزائري من مختلف اذاعات الوطن ، هذا الموضوع ماهوش نتاعي وحدي اللي عندها وصفة (جزائرية) من أي اذاعة تحطها مشكورة ، و انا راني نبذل في جهدي باه نصيدلكم http://www.dzbatna.com/images/smilies/1.gifhttp://www.dzbatna.com/images/smilies/1.gifهههههه جميع الوصفات جزائرية القيمة ، بصح يد وحدة ماتصفقش لازم نتعاونو
ارجو منكن التفاعل و ارجو الافادة للجميع
و آخر حاجة نقولها دعوة خير في ظهر الغيب لكل وحدة تحط وصفة (جزائرية) تكفي

و شكر خاص للأخت Aziza 05 على تعاونها معى لإثراء هذا الموضوع بالوصفات جزائرية


سلام


http://up.dzbatna.info/uploads/13466271102.png
نبداو على بركة الله



هذي وصفات جزائرية قدمتها السيدة صليحة في اذاعة عين الدفلى :



1 سيقار المرقاز ( مقبلة )


- كمية من اللحم المرحي.


- حوالي 3 حبات بطاطا مرابية في الجهة الخشينة ( كمية البطاطا لازم تكون اكثر شوية من كمية اللحم )
- حبة بيض.
- كمية كبيرة من المعدنوس ( ربطة )
- ملح و فلفل اسود و قرفة ( كل وحدة و كيفاه تحب داوي اللحم نتاعها )



الطريقة :



في ليان نحطو اللحم المرحي + البطاطا +المعدنوس +.... باقي المكونات و تعجني مليح مليح كيما الخبز حوالي 5 دقائق حتان تدخل المكونات في بعضاها، خليها ترتاح حوالي ربع ساعة و مبعد شكلي حرابيش أي سيقار و خليهم يرتاحو شوية و من بعد اقليهم . تقدم كمقبلة
او كطاجين يسمى طاجين المرقاز ، بصح ديريلو مرقة بيضاء او حمراء و جمري فيه السيقار



http://up.dzbatna.info/uploads/13466271102.png


2 خبيزات الطرشي



العجينة :



- 500 غ فرينة .
- 1 ملعقة ك سكر .
- 1 ملعقة ص ملح
- 2 ملعقة ك خميرة الخبز
- كاس شاي زيت زيتون او عادي
- حليب دافي للعجن .
نخلطو كل المقادير و نلمو بالحليب الدافي ، و العجينة لازم تجيك تلصق في اليد باه تكون الخبيزات خفيفة و ميش معجنة .



الحشو:


اشوي الفلفل الحلو و قشريه و نحيلو الزريعة و القطامر و احتفظي بالقطامر نحتاجوهم ، احكمي كل فلفلة احشيها بالفرماج طولياو اقفليها و مبعد حلي العجينة و قطعي دوائر كبيرة تتناسب مع حجم الفلفل و حطي كل فلفلة في دائرة و اغلقي عليها مع المحافظة على شكل الفلفلة يعني عريضة من جهة و ضيقة من جهة : ركبي في كل حبة القطمير و ادهني بصفار البيض و ذرذري الجنجلان و خليها تطلع و مبعد طيبيها حتان تحمار نوعا ما .


http://up.dzbatna.info/uploads/13466271102.png


3 عجينة البيتزا:


- 500 غ فرينة
- حبة بيض
- 1 ملعقة ك سكر .
- 1 ملعقة ص ملح
- 2 ملعقة ك خميرة الخبز
- كاس شاي زيت زيتون او عادي


- ماء دافي للعجن .


اخلطي كل المقادير و خليها تطلع و مبعد شكلي البيتزا كيما تحبي


http://up.dzbatna.info/uploads/13466271102.png


قلب اللوز
لامونة
عجينة البيتزا


تجدونها في المشاركة رقم 10

*****
كيك بالفواكه المصبرة ( المشاركة 20)

http://www.dzbatna.info/vb/showthread...post1052946917 (http://www.dzbatna.info/vb/t1052946917#post1052946917)




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©