وش تحب تاكل في الشتاء

[loulou ange]

السلام عليكم اليوم جاتني فكرة بما ان تغير الجو وبردة الحالةوراح تتبدل طريقة الاكل تاعنالان في الشتاء او البرد ما نكلوشكيما الصيف في الصيف ناكل اشياة خفيفة وباردة لكن في الشتاء نحب حويج لي تكون سخونة وحارة باه ندفاو لذلك نتمنى من كل الاخوات لي عندها اكلة مفضلة او مميزة لفصل الشتاء تحطها هنا بش نستفاد كلنا ونتعرف على تقاليد كل المناطق في بلادنا لان كل بلاصة تختلف على اخرى نتمنى تعجبكم الفكرة و تتفاعل معايا و اليوم راح نبدى انا نعطيكم وصفة (جزائرية) لفصل الشتاء وانا نحبها ياسر
شكشوكة مرقدة** كمية من الطماطم نغسلها و نقطعها او نرحيهاو نحطها في كوكوط ونصب عليها كمية معتبرة من الزيت ونحطها على النار ونزيد ليها الملح كمية معتبرة كذلك وكل مدة نحركها باه ما تلصقش وكي تبدى تنشف نقوي عليها النار ونحرك حتى تنشف خلاص من الماء ويطلع الزيت الفوق نخليها تبرد ونحطها في علبة زجاج او بلاستيك الا عندك حتى بدون عسل قديم تقدري تستعمليه انا نعمل فيه
ونكون من قبل منظفة الفلفل ولازم يكون شايح خلاص من الماء لان الماء يفسدها
ونقطع الفلفل حلو حار الكمية تاع الفلفل لازم تكون اقل من الطماطم
ونضيف الفلفل لطماطم ونهرس كمية كبيرة من الثوم مع قليل من البهار العادي ونضيف لطماطم ونخلط جيدا ونصب شوي زيت من فوق ونذر شوي ملح ونغلق مليح و نحط في الثلاجة ونخليها ايامات ونطل عليها نلقاها طابت
هذيا الوصفة (جزائرية) تنفع بزاف في فصل الشتاء تتكل مع العجائن وساعات كي نكون مشغولة نحطها هي ونقلي معاها البيض تكون وجبة وتشبع انشاء الله تعجبكم الوصفة (جزائرية) ويعجبكم موضوعي في انتظار تفاعلكم باي



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©