طاجين كفتة سمك الميرنة

[romaissa]

طاجين كفتة سمك الميرنة

المقادير:

2/1 كيلو كفتة الميرنا( ناخدو سمك الميرنا ..نقيوه من الشوك ونطحنوه)
قسبر ومعدنوس
3 فصوص ثوم مفروم
كأس صغير أرز مسلوق
ملح
ملعقة صغيرة مركز الطماطم
ملعقة صغيرة يبزار
2/1 ملعقة صغيرة كمون
2 ملاعق صغيرة تحميرة
السودانية أو الهريسة (حسب الموجود)
2 حبات جزر مقطع دوائر ومسلوق نصف سلقة
سيقان الكرافس(من 3 إلى 4) نفرشوهم فقاع الطاجين
بطاطا دوائر مسلوقة نصف سلقة
حبة طماطم دوائر
2 ملاعق كبيرة زيت مائدة+ 2 ملاعق كبيرة زيت زيتون
ملعقة كبيرة عصير الحامض
فلفلة مشوية

ملاحظة:

مقادير كل من العطرية والقسبر والمعدنوس والثوم كنقسموهم على جوج:
النصف فالكفتة والباقي للتشرميلة.

الطريقة:

نخلطو الكفتة مع الأرز القسبر والمعدنوس فص الثوم الملح اليبزار الكمون التحميرة السودانية...
نكوروها كويرات صغار ونخليوها على جنب.

فزلافة نحضر التشرميلة المكونة من:
2 فصوص ثوم+مركز الطماطم+القسبر والمعدنوس+ ملح + تحميرة+
كمون+زيت زيتون وزيت المائدة+ عصير الحامض.

فقاع الطاجين نصفف سيقان الكرافس الجزر البطاطا الطماطم
ونعملو فوقهم هاد التشرميلة اللي حضرنا... ونضيفو شوية دالماء.
نغطيو على الطاجين ونخليوه يطيب لمدة 15 دقيقة.
من بعد نضيف كويرات الكفتة وفوقها نعملو شرائح الفلفلة مشوية
ونعاودو نغطيو على الطاجين نخليوه يطيب 20 دقيقة حتى تعقد المرق .
ودائما على نار هادئة.

بالصحة والراحة.




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©