وصفة (جزائرية) بريوش صنعته

[linnou]

السلام عليكم نعطيلكم الوصفة (جزائرية) مباشرة
5بيضات
كاس سكر
كاس حليب دافئ ماشي سخون
كيلو فرينة
خميرة خبز قيس فنجان
150 غرام مارغرين
قشور ليمون او برتقال او في زوج مبشورين
نبداوا على بركة الله:
نخلطوا الحليب الدافئ مع لخميرة و نخلوها تخمر و حذاري يكون لحليب سخون و الا تخسرلك
و من جهة اخرى نخلطوا البيض و السكر و المارقارين و قشور الليمون و البرتقال مع بعض
ملاحظة : البيضة الخامسة ننحولها الصفار انتاعها و نخلوه في الاخير
نفرغوا الفرينة و نخلطوها مع السائل كي تفرغي شوية شوية يكون اسهل
ثم او مع الخلط نفرغي لخميرة مع لحليب و تعجني مليح مليح كيما يعجنو الكسرة
ثم تغطيها و تخليها تخمر ساعة
تلقايها تنفخت ثم تعاودي تعجنيها مليح وتغطيها مرة اخرى و تخليها تخمر ساعة و نص
ترجعي بعد ساعة و نص تصنعي من العجينة دويرات صغار تقريبا قد لغريبية توجديهم و تدري عليهم صفار البيض و ترشي شوية سكر عادي عليهم للتزيين و تخليها تخمر 6ساعات
ترجعي ليها تلقايها تنفخت و تطيبيها في الكوشة و يخرجولك دويرات منفخين شابين كيما تاع الميكيات و الاهم من ذلك بنينات ... انا جربتها بصح خالفت شوية القوانين انا نحيت الساعة و نص و ضربتها 8 سوايع على ضربة (روحت نرقد) و ما زينتهاش بالبيض و السكر .... و هكذا سيداتي سادتي نكون قد انهينا وصفتنا البريوشية هاذ اليوم اتمنى ان تجربوها و تعطولي رايكم فيها و نلتقي في الحلقة القادمة ان شاء اللهhttp://www.dzbatna.com/images/smilies/19.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©