رفيس الجنوب التيارتي

[admin]

الرفيس

المقادير

3 كيلات دقيق(سميد/سيمولينا) مش فرينة او الطحين بل دقيق القمح

كيلة زيت

100غ زبدة غير مملحة

رشة ملح

شوية ماء

شوية سكر

شوية حليب

شوية عسل

شوية غرس(عجينة التمر)

شوية كاوكاو

التحضير

1 نخلط دقيق القمح (سميد) مع زيت جيدا ثم نضيف رشتين ملح ثم نبل بالماء حتى نحصل على عجينة طرية ثم نحلها في صينية تدخل للفرن بسمك 1سم و نخليها طيب حتى يصير لونها احمر غامق

2 نخليها تبرد ثم نطحنها في محضرة الطعام حتى تصير مثل حبات الكسكس نضعها تفور (تتبخر) مدة 10د نفرغها في اناء يكون من الخشب و نرشها بشوية حليب حوالي فنجان قهوة و نخلط مليح حتى يدخل الحليب في الرفيس و هو سخون و نردوا يفور مرة ثانية على شكل طبقات نحط طبقة من الرفيس (الخليط) ثم نرش عليه شوية سكر عادي حوالي 2 ملاعق ثم الرفيس ثم نفس كمية السكر و نخليه يفور 10 د

3 في حين نذوب الزبدة في كاسرول و نزيدلها كمية من الغرس (100 غ) و نخلط بشوية حتى تندمج الزبدة مع الغرس

4 بعدما يفور الرفيس نفرغوا في الرعاء الخشبي و نصب عليه خليط الزبدة و الغرس ونخلط جيدا و نذوق اذا كان ناقص حلاوة نزيد العسل حسب الذوق و في الاخير نفرغوا في صحن التقديم و نزينوا بشوية عسل من الفوق و نرش عليه الكاوكاو مرحي خشين او اي مكسرات (لوز او جوز او فستق)

شهية طيبة



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©