طلب للمساعدة لخبيرات الحلويات والخبز

[loulou ange]

حبيت نسقسيكم على لا بات فايتي نخدمها مليح ندير الفرينة قرصة ملح و 2 مغارف زيت نعجنها حتى تولي تطرطق تحت ايديا و نديرلها زبدة التوريق قاسة تاع فرح و نطبقها حتان....... و بصح متخرجليش طالعة ياسر كي تطيب حبيتها طالعة ياسر حتى لي فول فون .

http://www.9o9i.com/upfiles/6nN06467.jpg (http://www.9o9i.com/)

و نزيدكم سؤال كيفاه حتان تخرجلي عجينة المشكلة بيضة زينة كيما يديروها أنا توجور تخرجلي صفرا دوغي هي زينة بصح حبيتها بيضا قالولي ديريلها كولوغون أبيض بصح مخرجليش

http://www.9o9i.com/upfiles/ndz06467.bmp (http://www.9o9i.com/)
و حبيت نسقسيكم ثاني كيفاه حتان تخرجلي الطلية هاذ اللون

http://www.9o9i.com/upfiles/yEa06468.bmp (http://www.9o9i.com/)



و ثاني الدزيريات تجيني الحشوة يابسة الله لا يوريكم وش نديرلها

http://www.9o9i.com/upfiles/Nda06468.jpg (http://www.9o9i.com/)
و ثاني عطاتني حبيبتي غوسات تاع بقلاوة و مبعد العجينة ديريها كي الرشتة و تقليها و تديريها من فوق محبتش تلصقلي كيفاه نديرلها
واللي يعرف المقروض تاع المول

http://www.9o9i.com/upfiles/zLS69306.jpg (http://www.9o9i.com/)
و حبيت نسقسيكم على خبز الطاجين كاين اللي يديرو يهبل أنا ما نعيا نعرك و والو تظل ماما تعاير فيا درتلو السكر والزيت خرج لاصق مانيش عارفة و ش نديرلو ماما تقولي العجين يدين ههههههه؟ و راني على باب زواج و مدابيا نروح متعلمة كلش ربي يخليكم



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©