معكرونات منوعة......منقول

[said]

سباجيتي الدجاج بعصير الطماطم

المقادير
كيس سباقيتي مسلوق
علبة عصير طماطم
او ست حبات طماطم مبشورين
معجون طماطم 3 ملاعق
ثوم مفروم
4 قطع صدور دجاج مقطعه قطع طوليه

طبعا البصل مو لازم بالكشنه اللي يحب يحط بكيفه
نحمر الثوم في الزيت ياخذ لون بعدين نحط عصير الطماطم وبقية المقادير
مع البهارات اللي هي كركم فلفل اسود وملح
اول مايغلي نضع الدجاج ونخليه فقط ربع ساعه على نار وسط
وثم نضيف السباغيتي المسلوقه
نخليه عالنار عشر دقايق فقط على نار هاديه
وهذا شكلها
http://www.mekshat.com/pix/upload02/images100/mk106353_2215151451_e9c656ab14.jpg

((معكرونا التونا ))
هذي الطريقه
اولشي نكشن شوي بصل وثوم نحمرهم شوي يذبلون نحط عليهم
ملعقة طعام ثوم وزنجبيل مطحونين
شوي كركم
ملح
فلفل اسود
بزار بحريني نص ملعقة شاي
وكمون وكزبره ناشفين مطحونين شوي بس ربع ملعقه صغيره
ونحمسهم زين بعد دقيقتين نحط علبة تونا العلالي الكبيره او اي نوع تفضلونه
نخليهم على نار هاديه خمس دقايق
وبعدين نضيف كزبره مفرومه او بقدونس
وفلفل اخضر رومي مقطع مكعبات
صغيره جدا
ونضيف المعكرونه على شكل قواقع
هذا شكله

http://www.mekshat.com/pix/upload02/images100/mk106353_2381764845_da6afd9c12.jpg

((ترياكي لحم))
الصلصات المستخدمه في هالطبق

دبس الرمان
وستشير صوص
صويا صوص
خل البلسميك
صوص الثوم والفلفل الاحمر بالسكر
زيت السمسم
..
نستخدم لحم الاستيك مقطع قطع رفيعه مثل الشاورما
وبصل اخضر مفروم
ثوم
ملح
فلفل اسود
نحمر الثوم شوي بالزيت نضيف ملعقتين زيت السمسم
ونحط اللحم ونقلب نضيف شوي ماء ونغطي اللحم نص ساعه يستوي
بعدين نضيف جميع الصلصات المذكوره من كل شي شوي حسب الرغبه
ممن كلشي ملعقتين او ملعقه على حسب المقادير
نخليهم شوي عالنار من خمس الى عشر دقائق فقط
نسكر النار ونرش عليها البصل اللاخضر
ونسلق النودلز الصينيه هي تجي بالاسواق في كيس شفاف ويكون شكلها مكعب
وتقدم بهالشكل
http://www.mekshat.com/pix/upload02/images100/mk106353_1909548978_4a60bac499.jpg

((الكشري ))
كوب رز مسلوق
كوب معكرونه مسلوقه
نص كوب عدس مسلوق
شعيريه محمصه ومسلوقه
2 بصل مقطع جوانح ومقلي
بعد مانسلق المكونات المذكوره نخلطهم مع بعض ونحط فوقهم فنيال من زيت البصل اللي قليناه
ونسكر القدر ونخليه عالنار مدة ربع ساعه نار خفيفه جدا

نجي للصلصه
كوب ونص عصير طماطم
4 فصوص ثوم
ملح وفلفل احمر وكركم
علبة معجون طماطم
زيت او زبده
نحمر الثوم بالزيت يذبل نضيف بقية المقادير ونخليهم يغلون
20 دقيقه
ويقدم بهالشكل
وعند التقديم نرش عليه البصل المقلي
http://www.mekshat.com/pix/upload02/images100/mk106353_2235497946_eabeb4ab8c.jpg


(( معكرونة بشاميل باللحم المفروم))
كيس معكرونه مسلوقه
نص كيلو لحم مفروم
ملح فلفل اسود ثوم مطحون علبة معجون طماطم ماء نص كوب بصل مفروم كزبره خضرا مفرومه
نكشن البصل مع الثوم بالزيت ونضيف اللحم ونقلب ثم البهارات والماء
ونخليهم نص ساعه على نار وسط او هاديه وبعد الاستواء نضيف الصلصله والكزبره ونخليها عالنار خمس دقايق فقط
الباشاميل :
نص زبده
كوب طحين
كوب حليب بودره
5 اكواب ماء
علبة من التعليم المتوسطه من الجبن المبشور
علبة قشطه
ملح وفلفل اسود
نذوب الطحين والحليب بالماء بمضرب البيض ونخليهم عالنار مع الاستمرار بالتحريك
او ماتغلي نخفف النار ونضيف بغية المقادير المذكوره
ونخليها ربع ساعه عالنار فقط
احين ناخذ بايركس كبير ونحط فيه معكرونه طبقه واللحم طبقه اخر شي البشاميل طبقه
للوجه
بيضه مخفوقه مع ملح وملعقتين حليب مركز ابوقوس او بوني اي شي تحبونه
ويصب عالوجه ويحمر الوجه فقط بالفرن
وهذا شكله

http://www.mekshat.com/pix/upload02/images100/mk106353_2218905843_85d4633c2d.jpg
(( بشاميل الدجاج))

نفس المقادير اللي فوق بس بقولكم طريقة كشنة الدجاج
دجاجه مسلوقه
بصل مفروم
ملح وفلفل اسود
شوي ذره
جزره مبشوره
شوي من الشبت
ملعقتين جبن سائل
ملعقتين مايونيز
نكشن البصل بشوية زيت ونضيف الملح والفلفل والدجاج ونقلب ياخذ لون شوي نحط بقية المقادير
ونحرك ونضيف ملعقتين ماء او مرقة الدجاج اللي سلقنا بها الدجاج وونخليهم شوي عالنار يتسبكون
مدة 10 دقايق
اخر شي نضيف الجبن والمايونيز
بس نص دقيقه عالنار وخلص
وبعدين نتبع نفس الخطوات السابقه

http://www.mekshat.com/pix/upload02/images100/mk106353_2461557857_80043206fc.jpg

بالهنا والشفاء






https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©