أضخم تجمع لمصنعى الشموع على مستوى مصر .. قريبا جدا

[ام بهاء]

أضخم تجمع لمصنعى الشموع على مستوى مصر .. قريبا جدا




طبعا هتقولولي انت بتقول كلام كبير قوي

طيب نقول الأول:

السلام عليكم ورحمة الله

علشان نبدأنا مظبوط

أوكي..

طبعاً دلوقتي تلاقيكم بتقولوا ازاي أضخم تجمع على مستوي مصر الموضوع ده كبير

وأكيد التجمع ده هيكون على النت بس.. صح؟؟!

طيب نصلي على حبيبنا

طبعاً كل الناس اللي بتصنع شموع أكيد واجهتهم مشاكل كتير

وأنا أولكم بصراحة

والمنتدى كان ليه دور كبير جداً في اننا نقلل من حجم الأخطاء اللي بنقع فيها

بس أياً كان التعليم بيحتاج مباشرة من المعلم للمتعلم والرسول : قال: "إنما العلم بالتعلم"

وفي القول المأثور: "كن تلميذ عالم لا تلميذ كتاب"

طيب زمانكم بتقولوا قصر اتخنقا منك

معلش بالراحة عليا شوية

كل الموضوع اننا محتاجين يوم واحد ..

واحد بس ..

كل الناس اللي شغالة شمع بالفعل مش لسة بتتدرب..

لا .. شغالة بجد ..

ويمكن بتسوق كمان على مستوى مصر كلها ..

ممكن نختار مكان وسط القاهرة مثلاً نتقابل في مقر جمعية من جمعيات صناع ..

نناقش كل المشاكل اللي بتواجهنا .. ابتداء من الخامة ومشاكلها وذبذبة أسعارها مروراً بمراحل التصنيع والاسطنبات والتغليف وصولاً إلى التسويق وكل المشاكل اللي تخطر على بال أي حد ..

حتى نحقق نقطة الترابط ما بين صناع الحياة كل مشروع على حدة

نقطة تخصص يعني ..

الشموع مع بعضها والاكسسوارات مع بعضها والمشغولات الزجاجية .. إلخ

ومن هنا يحصل تبادل الخبرات بين الناس كلها

لعل ان الناس اللي هيبدأوا فكرة الشموع دي وينجحوا فيها

تكون نقطة انطلاق لكل باقي المشاريع مع بعضها

وناخد احنا ثوابهم

في واحد دلوقتي بيقرأ الموضوع وبيقول كلامك مش واقعي .. لأن في بنات كتير بتصنع شموع

وطبعا مش هيقدروا يسافروا مخصوص ..

أقولكم بصراحة يا جماعة

ده هو يوم واحد

واحد بس

والله العظيم واحد بس

معلش الموضوع صحيح صعب

لكن لو قدرنا نتصرف ونجيب أخ معانا مش هيحصل حاجة يعني وهتبقى فسحة ليه بالمرة

وبعدين الموضوع يستحق يعني

أمال ازاي هننهض بأمتنا لازم نضحي شوية

انا مش بقول ان البنات تيجي لوحدها ..

طبعاً لأ ..

لكن يتصرفوا ..

والله لو حطو الموضوع في دماغهم هيتصرفوا وهيقدروا ..

ده في بنات كتير بتسافر وتتغرب علشان الدراسة 4 سنين وبعدين بيتجوزا ويقعدوا في البيوت

لا استفادوا من الشهادة واتغربوا على الفاضي

احنا بنقول

يوم واحد

واحد بس

مش اربع سنين

يلا يا شباب ويا شابات

ليَصْْدُق عزمنا مع الله فيمدنا بعونه ويفيض علينا من بركاته

كل واحد يدخل ويقول رأيه ان كان في فكرة تانية أو تعديل أو رأي أو إضافة أو رفض للفكرة من الأساس

واللي عاوز يشارك يدخل بسرعة على الرابط ده ويكتب هو مين ومنين ..




المعذرة لكن يمنع وضع روابط لمواقع اخرى و كذا يمنع دخول الرجال http://www.dzbatna.com/vb/images/smilies/get-2-2008-ehrx1i9o.gifhttp://www.dzbatna.com/vb/images/smilies/get-2-2008-ehrx1i9o.gif





لأول مرة .. أضخم تجمع لمصنعي الشموع على مستوي مصر .. قريباً جداً - منتدى موقع الأستاذ عمرو خالد[/url]

عاوزين إن شاء الله نبدأ الموضوع في أقرب فرصة

.



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة